港女北上剝牙變「含膿大細面」險窒息 漏夜返港急症留醫保命嘆：見過鬼怕黑｜Juicy叮

不少港人會北上睇牙醫，有港女昨日（11日）在網上圖文並茂分享到深圳剝智慧齒的親身經歷，結果慘遇嚴重細菌感染，面部腫脹如豬頭，更一度感到呼吸困難，最終需漏夜趕回香港急症室「執手尾」保命。事主事後發文直言：「見過鬼都怕黑！」

港女北上剝牙變「含膿大細面」險窒息 漏夜返港急症留醫保命嘆：見過鬼怕黑↓↓↓↓

 

 

 

 

 

 

 

 

 

 

 

 

 

 

 

 

 

 

 

 

 

 

女事主在社交平台發多個帖文詳細講述這次北上深圳睇牙醫的經驗，引發網民高度關注熱議。

香港牙醫拒接手轉戰深圳

事主在社交平台Threads上的帖文分享，她這隻智慧齒早已發炎痛了三個星期，但由於生長位置棘手，「之前香港私家醫生都話我牙難拔都無咩信心幫我做，都想轉介我去菲蠟（香港菲臘牙科醫院）」，而另一名香港著名牙醫「鄧仔」的檔期又要排到6月之後。

在同事極力推介及網評影響下，樓主最終決定於上周四（5月7日）前往深圳一間牙科診所拔牙。

樓主上載了到深圳牙科診治的收據，上面清楚列明收費：照CT費用為人民幣231元（約港幣266元），而拔牙連藥費則為782.84元（約港幣901元）。

樓主表示，當日到該深圳牙科診所，原先屬意診所內最出名的謝醫生，但因「一號難求」而轉看另一位醫生。拔牙過程約20至25分鐘，樓主起初還覺得「無想象中痛」，更上載了剛被剝下、血淋淋的牙齒以及拔牙後的口腔內部情況，可見傷口頗深。

噩夢開始：嚴重腫脹與滲血

然而，拔牙後的數天卻是噩夢的開始，樓主在拔牙後第二、三天，開始感到右邊臉頰、下巴及口腔內部「腫脹加倍，喉嚨痛」，甚至連吃下一碗豆腐花都要花上5分鐘，張開口亦有難度。

從她上載的相片中，清晰顯示出她口腔內部極度紅腫的發炎狀態。

到了第四天，情況持續惡化，樓主依然喉嚨痛，甚至懷疑自己是否患上「乾槽症」這一拔牙後常見的併發症，因為「口中的味道越來越像腐肉一樣」。

她更在帖文中展示了滲血的棉花球以及抹到滿是血跡的紙巾，證明傷口依然在流血，並未癒合。雖然診所開了藥，樓主亦展示了這些深圳牙科開出的藥物包裝，但她無奈表示：「深圳牙科d藥對我好似唔work。」

病情急轉直下 確診頜下間隙感染

直至5月11日（拔牙後第5天），樓主病情大爆發，被診斷出患上「頜下間隙感染」，需要每天兩次在深圳打點滴（吊鹽水），費用為170元人民幣（約港幣195元）。

從相片中可見，樓主拍攝了牙科診所內鄰座病人打點滴的情況，間接反映自己亦正接受同樣的靜脈注射治療。她更表示當天早上要到牙科「擠d膿出來」。

從相片中，樓主展示了深圳醫生的回覆，顯示當地的醫護雖然有跟進，但似乎未能控制病情。

情況到了5月11日晚上一發不可收拾，樓主發帖驚呼：「越來越腫了，估計今晚返香港都要睇急症」。從她隨帖文上載的震撼相片可見，她的左臉出現了極度誇張的腫脹，完全不合比例，猶如含著一個巨大的水球，出現嚴重的「大細面」，情況相當駭人。

呼吸困難急返港睇急症 嘆香港醫護溫柔

面對隨時封喉窒息的風險，樓主終於頂不住，漏夜趕回香港。

有網民留言質問她：「點解唔係內地睇埋醫生？要返嚟香港睇急症？」樓主親自回覆解釋：「已睇內地唔work，返到香港先感覺呼吸困難。」、「來到急症，感覺呼吸有d困難，醫生即時安排檢查同x光，同住院。」

回港後，樓主被安排入住外科病房，終於得到妥善照料。她亦上載了今年至今在公營醫院的付款總數紀錄，並感慨這已經是今年第二次住院。

另外，她展示了入院後需要做的各項例行檢查儀器，坦言「去過大陸醫院就要做例牌測試」。經歷生死一線，樓主大讚香港醫護：「幾位姑娘都好有耐性，說話溫柔......呢次入住的病房d人都好nice，有禮貌」，並語重心長地總結這次教訓：「經拔牙一事後，真係見過鬼都怕黑。多謝各位網友良言惡語的提醒。」

網民：連香港牙醫都話難，點解去深圳會無難度？

這段「血的教訓」在社交平台引來極大迴響，不少網民對樓主的遭遇表示同情及擔憂，直指「好嚴重喎......應該開唔到口？」、「有冇人同你講牙嘅細菌感染好易上腦？」

有網民亦分享親身經歷，指智慧齒嚴重發炎含膿時「腫到條頸都腫埋......如果持續惡化，甚至乎唞唔到氣都要即刻去急症」，甚至警告「有機會蜂窩組織炎，如果嚴重係會有敗血症，係會死人㗎！」。

部分網民則質疑樓主當初北上睇牙醫的決定：「你咪係個d咩都話大陸又平又抵，咁做咩自食其果又要返香港睇急症？又用納稅人d錢直接住公立！」有網民指出：「連世二出身既香港牙醫都話有難度，點解會覺得去深圳會無難度？」

樓主則回覆承認這是一次「痛苦的一智」，並表示當時因為政府牙醫排不到，私家又排期太久才無奈選擇深圳，結果卻換來慘痛代價。

來源：Threads

同場加映：港男實測深圳¥29洗牙¥1980植牙 港牙醫震驚指犯三大錯：「無臉癱真係已經好彩！」↓↓↓↓

 

港人北上深圳睇牙漸成風氣，網上有不少人揚言「平靚正」。

 

港男「黑糯米」近日實拍到深圳一間牙科診所，實測植牙（種牙）、剝智慧齒及洗牙。

 

除他本人外，更帶同外父及外母，一同做實測。

 

這間深圳牙科診所，收費僅香港10分之1。

 

洗牙¥29（約港幣$31）；植牙¥1980（約港幣$2131）。

 

他們到達後，先做照CT等檢查。

 

原來在這診所首次照CT，是免費的。

 

而且，首次求診，他們由福田搭的士到來的交通費，可向診所報銷。

 

負責的牙醫，先查詢各人病歷。

 

牙醫拿著兩枝棉花棒，為外父即時檢查口腔。

 

其後再觀看X光片，講解可行治療方案。

 

檢查完畢，再由診所主管報價。

 

港男表示，報價沒有硬銷的情況。

 

牙科治療開始前，先量血壓和檢查血糖。

 

首先，港男剝兩隻智慧齒。

 

他右下智慧齒，牙腳尖有倒鈎，醫生沒有開刀下硬剝。

 

他表示，當時非常痛，最後成功剝下，但牙齒腳尖斷裂。

 

該牙醫表示，殘留的腳尖，會慢慢和牙骨融合，不建議取出。

 

港男說：「成個（剝牙）過程用咗15分鐘，解決咗我30幾年嘅煩惱。」

 

他評價說：「佢（牙醫）嘅手勢都OK喎，全程竟然唔使開刀，亦都唔使聯針。」

 

接著到港男外母，她今次先種3隻牙。

 

港男計時，種3隻牙，全程只用了36分鐘。

 

港男說：「點解咁快嘅？......大概7個字嘅時間，就種完三隻牙出返嚟喇。」

 

他說：「咁有效率嘅？乜種牙，可以快成咁嘅咩，我都係依家先知。」

 

港男外父因血糖超標，一星期後，再到診所種牙。

 

外父做治療時，全程量著血壓，又先消毒口腔。

 

他事後說，今次種牙，一次過打四條樁，「香港唔會咁做。」

 

港男展示「成棚牙」，指¥29洗牙，「洗得好乾淨。」

 

外父外母的植牙效果，因要長時間才見真章，他承諾「一年之後會再出片分享結果」。

 

最後埋單，3人共付款¥43,860（約港幣$47,209）

 

金額具體明細：港男剝智慧齒：¥2,380（約港幣$2,561）;其外父植8隻牙：¥25,220（約港幣$27,145）;其外母植6隻牙：¥16,260（約港幣$17,501）

 

他強調絶非廣告，4萬多元是自己「真金白銀俾錢」。

 

拆解深圳整牙，港牙醫指過程疑有三大錯：

 

港男實測片曝光後，3名未有透露姓名的本港牙醫，留言詳細拆解當中問題，指有三大錯：

 

（1）牙醫感染控制意識薄弱

 

港牙醫指：「（該深圳牙科診所）衛生情況，係全部嘢都包晒焗袋，」

 

「但佢（該深圳牙醫）手套都唔戴，工具都唔攞就幫你哋檢查，」

 

「而幫你剝牙嗰個醫生，連手套都無戴就郁盞牙櫈燈，」

 

「轉過頭就用手套掂返同一位置，再幫你做手術...」

 

「可想而知，背後佢哋infection control（感染控制）嘅意識，都仲係薄弱。」

 

（2）無開刀剝智慧齒，隨時臉癱

 

港牙醫指：「（港男）右下智慧牙腳尖有倒鈎，仲咁近神經線，」

 

「佢地（該深圳牙醫）竟然唔開刀，就同你直接夾硬剝，腳尖當然會斷！」

 

「神經線無受影響，無臉癱真係已經好彩。」「你條神經線冇斷都偷笑。」

 

「你（港男）既智齒咁近神經線，一定要切開隻牙拆件剝。」

 

「神經線受壓，就有機會出現臨時或永久性麻痺，你願意為平幾千蚊冒呢個風險？」

 

「佢（該深圳牙醫）解釋時，竟然話無所謂？？的確大部份情況腳尖斷裂，未必會引起問題，」

 

「但如果係肯正常開刀處理......好可能可以順利剝出成隻牙根，又避得開神經線創傷，無後顧之憂。」

 

（3）種牙位置角度不理想，令植體有牙周病風險

 

港牙醫指：「（港男）外母六枝植體，基本上位置角度都唔係理想，會影響日後清潔。」

 

「種牙唔係一了百了，植體亦會有牙周病風險，而且會比真牙更加難處理。」

 

「只係初期完成一般唔會感覺有咩問題，但當清潔困難引發植體牙周炎......」

 

「到時就算想再種過，亦會因牙骨被嚴重破壞而好難再種。」

 

該港男其後回應港牙醫留言，表示：「咁驚，多謝你提醒。」

 

港牙醫分享 「執手尾」經歷

 

港牙醫又留言分享，「無數次」為北上整牙的公公婆婆「執手尾」的經歷。

 

他說：「......上去一兩次飲個茶、食個飯，就可能無咩所謂，但整牙咁緊要，真係要搏？」

 

「香港租貴人工貴，無可避免睇牙價錢，亦會較內地貴，」

 

「希望各位市民考慮清楚，健康係無價既，搞衰咗唔一定救得返。」

 

「例如，有缺失牙而經濟上又負擔唔到，寧願唔做/做活動假牙，」

 

「都唔好返內地夾硬做鑲緊/植牙，事後出事好難搞。」

 

「以往已經幫過無數個公公婆婆，要剝晒全口既牙齒，」

 

「就因為佢地唔識，走返大陸搭全口牙橋，」

 

「結果全部牙都累死晒，到最後逼住做全口活動假牙......已經返唔到轉頭。」

 

「自己都有兩三次北上消費......的確感覺佢地既服務態度，係真係好，」

 

「呢點係所有香港人，都真係要學習，包括本地診所醫生姑娘。」