拐子佬？大埔富蝶邨驚現「可疑男女」跟蹤學童 慈母警告竟招非議 網民：唔通有事先講？｜Juicy叮

拐子佬？一名大埔富蝶邨的媽媽在社交平台發帖，指邨內校車站附近出現形跡可疑男女，她觀察看到他們曾跟著獨自上學的學童，擔心對區內兒童構成威脅，引起大批街坊關注，事主其後表示已將事件向警方備案。

拐子佬？大埔富蝶邨驚現「可疑男女」跟蹤學童 慈母警告竟招非議 網民：唔通有事先講？

這位網民在「富蝶邨討論區」FB專頁發帖表示，她平日早上約七點半會在邨內範圍等校車，從未見過有人在該處運動或長時間逗留。但上周五（24日），她卻發現幾個人「在此停留並行為很古怪」。

可疑人專跟獨自返學小童 樓主憂心發文提醒

她說：「發現了他們會在一些獨自上學的小朋友身後跟著，如發現有人望著他們，他們會行開，所以本人十分擔心，是不法分子。」

從樓主上載的相片可見，其中一張相片用紅圈標示了她所指的可疑男女，相片看到，在消防喉掣旁，站著一名身穿深色格紋外套的年長男子，他獨自站立，視線望向路邊。而在不遠處，則有另一名身穿紅衣的女士，站在一旁翹起雙手觀望。

另一張因放大而較為模糊的相片，則顯示一對男女並肩站立，其中男子穿白色恤衫西褲，女子則穿著紅色外套，看似在觀察四周。

樓主坦言自己「真的很害怕，怕因為本人一些大意，害了小朋友」，出於憂慮，她通知了屋邨保安，並在事後決定向警方備案，希望引起區內家長們的警覺。

善意提醒招非議 網民力撐：寧願做多咗

這則「好心提醒」的帖文發佈後，卻意外地招來部分網民非議，有網民對樓主的行為表示強烈不滿，認為她「未經證實，你自己覺得，嘅嘢唔好亂講」，並批評她將別人相片放上網的行為「真下流」、「好容易濫殺無辜」，有網民更留言指樓主「妄想被害症發作」，並稱「香港近30年來都冇發生過拐帶案」。

面對指責，樓主冷靜回應，強調自己只是出於提醒，並反擊道：「如果你覺得我有問題，請你去報警囉。」

街坊亦覺兩人形跡可疑 樓主：已報警備案

不過，更多網民力撐樓主，認為她的做法是負責任的表現，有網民反駁批評者：「神邏輯，點樣為之證實？！要佢真係捉咗個小朋友先可以出聲？！」另一位家長也表示：「有小朋友我好明白」、「寧願做多咗 ，好過做少咗 ，減少有可能發生既遺憾」。

支持的聲音此起彼落，不少網民都感謝樓主的提醒，認為「小心駛得萬年船」，有街坊亦留言作旁證表示曾見過相中人：「上次喺屋村入面見到呢兩條友，喺人哋架車嗰度左望右埋（望）」，顯示這幾個人可能並非第一次在邨內有可疑行為。

多位街坊亦留言指出，在「等車位」做運動或長時間逗留很奇怪，屋邨內有更合適的平台或公園，而事實上如為富蝶邨居民均會到平台做運動，認為這些人所處地點與行為的不匹配，的確增加了可疑性。

事件最終以樓主向警方備案作結，她表示：「至少已經通知警方，希望大家有一個警覺性。」

來源：富蝶邨討論區＠facebook

同場加映：紅磡拐子婆驚魂！膽敢家長面前落手 峰迴路轉有人認識嫌疑犯爆心寒細節

懷疑女兒險被拐走的事主，日前在「黃埔人•紅磡人•土瓜灣人」FB群組中發帖講述事件。

她表示，在上月（5月）28日晚上約8時45分，她帶著兩名女兒在一個攤檔揀手鏈。

女兒只在身邊「兩步距離」

「突然間呢個女人走埋嚟，捉住我其中一個女隻手，好大力咁拖走佢話我帶你去買糖。」

事主即時喝住：「我即刻喝住佢問你做乜嘢。」

疑似拐子婆「仲喺度狡辯，話見你個女得意帶佢買糖」，事主這時欲報警。

「但因為我帶住兩個女，而且其中一個又受驚嚇，未報警佢就已經走咗。」

疑似拐子婆當著家長面前行事，事主批評「太猖狂」，她在帖文中亦附上該拐子婆的廬山真面目。

事主事後拍攝到該疑似拐子婆的廬山真面目。

事主表示，疑似拐子婆事後站在便利店前按手機。

其後，有網民更表示已代事主，向警方舉報備案。

帖文熱議之際，竟引出數名認識嫌疑犯的網民現身，有人甚至聲稱是嫌疑犯的同事。

他們透露疑犯在紅磡某便利店工作，行為上亦有不少令人心寒之處。

有認識者表示：「我上星期拎sf佢要我等左佢好耐，又搞咗好耐先得......」

「之後懶熟咁掂一掂我後就俾返件貨我..我嗰刻都覺得佢有啲怪。」

另一認識者則表示：「有一次我係馬鞍山好似又係撞到佢，佢跟住我行。」

「我停係度佢又停係度，係咁扮玩電話，仲愈行愈埋，我最後衝入港鐵站佢先無跟我。」

另一位認識者講述親身經歷：「我識個阿姐㗎，本人覺得佢係有小小神經病。」

「一陣佢知你係網上吹花佢，第日係街見到你，佢又認得你，到時你話點算好？不如講吓阿伯睇捉棋比人搶錢。」

一位曾接觸該嫌疑犯的網民：「佢怪怪地，上次拎XX換果d玻璃盒搞咗我勁耐，所以印象好深刻。」

網民：「有一次喺XX比錢佢好無禮貌，所以有印象。」

網民：「佢堅傻㗎。」

一些認識嫌疑犯的網民指該女子，可能精神有異，建議事主大事化小，多加體諒。

但事主留言表示：「呢個行為係好恐怖，如果佢純粹係神經病發作連自己都唔知點解，其實其他小朋友都會好危險。」

部分網民表示為安全起見，建議事主應交警方處理：「擺明係拐子婆啦，我撐樓主，話樓主果啲人佢地自己有冇仔女㗎？」