4月23日焦点新闻 (A1电台YouTube频道)

4月23日焦点新闻 (A1电台YouTube频道)

霍尔木兹海峡过去24小时，冇船敢过。伊朗4月22号攻击商船之后，局势持续升温。特朗普话如果发现有人布雷，美军会“格杀勿论”，仲话美国已经完全掌控海峡。但伊朗就企硬，只要美国继续封锁，海峡唔会重开。另一边，美军去到印度洋，截停一艘运载伊朗石油嘅油轮。照咁睇，星期五究竟会有谈判，定系战事一触即发呢？

https://www.youtube.com/watch?v=hOJ_2MDcbpw

转返嚟加拿大。前外交官康明凯警告，话如果加拿大想打“中国牌”嚟威胁美国，随时会适得其反。佢话若然过度依赖中国市场，最终可能俾人“捏住喉咙”。加拿大夹喺中美两大强强之间，仲有咩选择？

最后，讲番啲贴身野。Canada Post 准备大规模重组，未来5年逐步取消上门派信，全面转用社区邮箱。士嘉堡啲街坊同星岛讲，老人家冬天果阵要行去开箱真系心惊。加拿大邮政真系要悭到呢一步？呢个决定会唔会变成长者嘅冬日噩梦？