譚校長爆腦退化父當年曾燒銀紙

擔任「耆義旅程」榮譽大使的校長譚詠麟（Alan），出席腦退化症課程的「耆義旅程」啟動禮時，在台上大談大使人選應如何揀選之餘，還大爆患腦退化症的父親，當年曾燒銀紙和走失。

他說：「如果要搵唔記得歲數的人，搵我就啱，不過要亂噏嘢就搵黎明，因為唔知佢諗乜嘢。」對於是否引薦黎明擔任大使，他笑言都好，可以搵定下一屆。

校長又透露患腦退化症的爸爸當年曾燒銀紙和走失。他說：「他將一卷銀紙燒，大紙、細紙都有，他唔知自己做緊乜，呢啲銀紙仍身外物。我有俾個寫住譚詠麟爸爸的牌他掛在身，試過走先啲人話我聽話他返夜學，原來他去返以前讀書間學校。」他又指，自己記性都Ok，成日刨馬讀書和進修。

提到好友陳百祥（叻哥）代表香港傳奧運聖火，被質疑其資格。他說：「佢講奧運之前做準備功夫，咁就因利成便。被問及會否去巴西睇奧運時，校長聲稱無時間，且擔心小頭症，但指「阿叻唔怕啦！佢個頭咁大。」

對於商台三位DJ當奴、Colin及Jacky昨晚於九龍城晚飯期間遇襲，他說：「呢樣幾得人驚，原來聽講注意咗佢哋，但我哋在光，人哋在暗，小心啲囉！」

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。