方中信自認仲後生唔怕槍戰 張文傑負傷頂硬上拍到崩潰 激讚《衝鋒：火拼》動作戲超精彩丨獨家
英皇電影《衝鋒：火拼》由方中信、呂良偉、安志杰、錢嘉樂、張繼聰、陳家樂、張文傑等主演，戲中飾演衝鋒隊組長的方中信，帶領組員偵查珠寶店連環械劫案，與悍匪展開連場激戰，有不少槍戰戲，方中信笑言今次比起當年《槍王》更多槍戰，自認仲後生可應付，而其中在舊式樓宇與張繼聰和安志杰等展開槍戰戲，因在狹小空間有好多動作戲，效果好睇。 文：鄺芷瑩 圖：朱偉彥
張文傑為每位演員度身訂造動作戲
主演兼任動作導演的張文傑為每位演員度身訂造動作戲，他指方中信拿捏槍戲較優勝，會加一點在轉角位換子彈的動作戲，而自己則受傷、小腿肌肉撕裂，仍負傷上陣完成拍攝。文傑憶述指3年前參與該片時精神壓力大，開始拍攝時睡眠不足又少進食，心情暴燥，「受傷時已是拍攝尾聲，我同安志杰對打戲拍3個鏡頭，真係崩潰！我成部戲係好有計劃去控制所有時間、鏡頭，應該點拍，但去到嗰個位，我想起身連企都企唔穩，就知大獲！無辨法，要繼續拍一定要用替身，我睇完醫生就返現場睇吓點，好擔心，呢次經歷發覺唔係預計之內，有時要放手去相信團隊。」
方中信自嘲骨都脆
張文傑翌日完成與安志杰的對打戲，無辨法之下跪地演出，惟有以鏡頭遷就，他形容當時極痛苦，吃幾粒止痛藥及包紮好對腳拍攝，他覺得身體無好好應付而不開心。作為前輩的方中信，坦言張文傑身兼兩職負荷大，但經一事長一智，又笑指一直有留意對方，到現場發現他手臂粗，背肌又厚。問到可有膽量對打，方中信笑說：「骨都脆喎！」
張文傑讚安志杰有型兼打得
在戲中為各演員設計動作，張文傑又認為現今哪位演員能跟他激烈對打，他即時推薦安志杰（Andy），「Andy真係好睇、有型又打得，開口後又實現到呢個願望，多謝導演同電影公司信任。我哋呢部戲籌備時間唔係太多，大家好用心以好短時間應付動作戲，其實好難！睇到每位演員盡晒力，好似被我虐待，因為時間好急速，演員無乜時間休息。」談到街上拍槍戰，張文傑直言相當困難，他明白會騷擾到市民，要大家容忍才做到真實場景拍攝，「喺深水埗同尖沙咀，我哋真係收到好多投訴，都唔好意思！好想部戲有真實感覺，演員都喺真實場景去做打鬥同槍戰都會容易投入啲。」
>>>星島網WhatsApp爆料熱線(416)6775679，爆料一經錄用，薄酬致意。
>>>立即瀏覽【生活百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。
