古天樂《世紀大騙局》真人版MV拖宣萱組CP︰會諗吓 預告4月多搞作驚喜連場

古天樂擔任今年香港Comic Con大使，屆時展出私人珍藏「黑武士」Figure，他未計過自己有幾多收藏，好多時由電影人送贈。古仔現場獲贈「龍捲風」角色Figure，他指是第一次見，笑稱做活動大使，名正言順入去睇展覽。

古天樂《寒戰1994》造型似薯片叔叔

談到新歌《世紀大騙局》於4月1日愚人節之前推出，古仔形容是大騙局，無預警再出歌，他不肯透露籌備了多久；而MV以動畫形式呈現，非真人版，他表示創作意念來自自己鍾意動漫，並一次過展示以前演過角色。至於會否推出角色系列公仔，他認為︰「可以諗。」網民想古仔、宣萱CP拍MV，他笑言：「諗吓！」《世紀大騙局》掀動網民情緒，紛紛留言推古仔奪男歌手獎，問古仔有否信心，他驚訝表示：「吓！咁大嘅騙案！唔係啩？」問到4月是否驚喜連連？古仔賣關子：「唔止。」舉行活動宣傳《世紀大騙局》？先搞Comic Con，呢個最緊要。」

近日網上流出古仔在大學出現，周圍拍攝而引來女生圍觀，古仔指已戴帽和口罩也被認出。談到為警匪片《寒戰1994》化老妝上陣，同場周潤發第一眼也認不出來，古仔笑指發哥未見過這個造型，他覺得造型似幾「薯片叔叔」，記者覺得似「大富翁叔叔」，古仔認同，也覺得似。

香港Comic Con陣容唔嘢少。

古天樂擔任今年香港Comic Con大使。

古仔現場獲贈「龍捲風」角色Figure。

宣萱、古仔CP形象深入民心。

《世紀大騙局》MV其中楊過造型。

古天樂《寒戰1994》造型似薯片叔叔。

古仔是資深玩具迷、收藏家。

古天樂《世紀大騙局》真人版MV拖宣萱組CP？「會諗吓！」

古天樂預告4月多搞作驚喜連場。

網上流出古仔在大學出現，周圍拍攝而引來女生圍觀，古仔指已戴帽和口罩也被認出。