移加艺人“生计”一舖清袋痛哭泪流  称患创伤后遗症身体曾濒临死亡边缘

近年移民加拿大温哥华的前《东张西望》主持人容羡媛（Fion），目前主力经营社交平台及YouTube频道，但她在生日前夕遇到不快事。在3月4日她42岁生日那天，自己经营多年、拥有超过2万粉丝的IG帐户，竟毫无预警地被官方停用。

对于老公讲笑叫她回流香港再做《东张》主持，她表示不会，但认为自己这次遭遇应该报《东张》。

容羡媛在移民加拿大后，KOL工作已成主要收入来源，因此失去了经营已久的IG帐户，等于可能影响生计，她日前更表示连寻求“上诉”的机会都没有，一度让她瞬间崩溃。

事隔六日，终于传来好消息。Fion报喜成功取回IG：“我终于攞返我嘅IG啦，after six days之后，好多朋友呢，都即刻问我究竟你点样攞返个IG㗎？真系要非常非常多谢所有关心我嘅朋友啦、传媒朋友啦、报导过嘅人啦、同埋send message畀我提供不同方法嘅人，但系要令到大家担心，或者占用咗一啲公共空间呢，系唔好意思嘅。”

爆喊连朋友都话夸张

容羡媛取回IG后，立刻开live亲述感受：“我谂真系好多人都试过呢个经历，未真正试过，真唔针唔拮到肉唔知痛，可能曾经我都见过有朋友话冇咗个IG，但系当自己真身感受呢，就真系好hurt好hurt。我真系𠮶段时间呢，系觉得自己好似，真系大吉利是，即系有一部分嘅自己好似死去咁样，有一部分嘅自己唔再属于自己。其实呢件事系都几恐怖，即系我都有朋友同我讲，佢话佢明白点解我会喊啦，但都会觉得，现代人因为冇咗个IG而会喊呢，都真系几令人担心。即系你确系可能好多，朋友见到我喺个live度喊都觉得，哗，使唔使咁夸张啊？IG啫，你唔应该畀一个虚拟世界主宰咗自己真正嘅快乐。”

容羡媛续说：“我喺呢件事里边我有反思，我明明系咁开心过生日，我身边有咁多人，我嘅仔女同我庆祝生日，但我一啲都冇因为咁而开心，反而因为冇咗个IG而好伤心囉，我都会觉得我系咁样系唔啱嘅，应该把握自己真正嘅快乐，快乐应该掌握喺自己手上。”

称有创伤后遗症

容羡媛称当时在无助的情况下，用尽所以方法去尝试，但依然无效，在开live期间又出现异样，搞到容羡媛一度思绪混乱：“好惊呀，我真系有创伤后遗症，点解突然间无端端跳咗出嚟㗎？我返嚟啦。咩事啊？……我会唔会突然间又用唔到个IG㗎？系啊，我有PTSD呀。”

相关阅读：前TVB移加艺人曝光加拿大医院天价帐单！母亲住院6日4万加元 但大赞一事

她表示始终未明为何出现这问题：“究竟系我之前做嘅嘢令我开得返个IG account呢？定系我身边有啲天使，你哋用不同嘅方法帮我开返呢个account呢，我真系唔知道。但我系要多谢嘅就系每一位帮过我嘅朋友，我真系好感激，好感激，好感激。”

容羡媛又提议报《东张》确系好方法：“其实我觉得《东张》系应该要讲我呢件事，我发生咗呢件事之后，身边有好多人都同我讲都发生过呢啲事件，唔止一次，可能开过几个account，有啲朋友都系business嘅用途，佢哋可能因为用IG嚟卖衫啊，用IG嚟开舖，全部个IG都真系自己嘅心血，自己嘅生意，自己用咗好多心机去经营，点知一夜就冇晒，系好无助，好无助。你，好多人同我讲，要从头开始过……但系真系唔系咁容易囉，如果我再开过，可能得几千个人follow。”

加拿大有好有唔好

至于会否如老公所讲回归《东张》，容羡媛直言：“其实我唔系谂住返去做《东张西望》嘅，讲下笑啫，但我都会挂住香港嘅朋友，我都好钟意香港，每个地方都有佢好，有佢唔好，加拿大都有佢好，有佢唔好，我哋要学习去欣赏每个地方嘅好同唔好囉，迟啲都会返香港嘅……我返香港都系旅游啫！”

事情得到解决，Fion终可放下心头大石。她说：“今晚瞓个好觉，但系都要好好咁样庆祝一下，我老公都知道我因为呢件事唔开心啦，我哋会二人世界庆祝，我同我老公冇分居，放心啦。”