阿Sa阿嬌見面會感觸爆喊 揭TWINS相處之道：夠Hea！

「TWINS 25周年1314新春限定粉絲見面會」昨日舉行第二場，繼續由農夫擔任MC。Twins與fans玩足整個下午，氣氛勁 high！兩人在台上又喊又笑，encore時更清唱12首歌，fans嗌到拆天，絕對是新年最正福利！期間Twins提到以往fans聚會多數是BBQ或在酒店舉行，阿Sa話：「係比較細啲嘅場地搞，有production真係第一次！」農夫即問：「平時係咁多人一齊BBQ㗎？」阿Sa回應是很多人，點知阿嬌搞笑「大唱反調」兼放笑蛋，「都好多人唔應約㗎！冇嚟嘅舉手！」全場即時爆笑。

TWINS未試過嗌交

當問到一對組合如何可以維持25年？台下fans即刻搶答：「因為有我哋！」搞到阿Sa忍不住笑，「咁我哋都要靠自己嘅，雖然都係有你哋。」阿嬌和議，「事半功倍啦，雙贏！」講到相處之道，阿Sa自認十分幸運，因為兩人都是「溫和派」，「我哋真係未試過有好大嘅衝突要嗌交。」阿嬌則承認有時工作上會有意見分歧，阿Sa直言，「可能因為我哋都好Hea。」阿嬌默契十足抵死話：「鬧交好攰㗎知唔知呀？」阿Sa即和應：「係呀，不如留返啖氣去玩啦！」

encore時更清唱12首歌。

「TWINS 25周年1314新春限定粉絲見面會」昨日舉行第二場

Twins與fans玩足整個下午，氣氛勁 high。

全場粉絲都可以和Twins合照和Hi touch作結。

繼續由農夫擔任MC。

阿嬌寫揮春做禮物。

講到相處之道，阿Sa自認十分幸運，因為兩人都是「溫和派」。

阿Sa、阿嬌忍不住爆喊。

這日活動由中午12時進行到差不多傍晚6時才完結

TWINS見面會玩足6小時

去到讀留言牆環節，有位fans寫到，「你哋唔好咁早退休呀。」Sa即刻斬釘截鐵回應：「冇咁嘅打算！」全場fans即時安心晒。而最感人是播放25周年影片後，台下fans即場重現當年頒獎禮既應援口號加埋嚓嚓打節奏，全場整齊高聲大嗌她們的名字，隨住《相愛25年》音樂響起，阿Sa、阿嬌忍不住爆喊，「以前每次出席頒獎禮，你哋都嗌到我哋聽唔到自己唱乜嘢歌，全場最大聲就係你哋！所有回憶返晒嚟！」至於這日活動由中午12時進行到差不多傍晚6時才完結，全場粉絲都可以和Twins合照和Hi touch作結，加上14樣小禮物作粉絲福利，滿載而歸。