買年花買著棵$300「假蘋果樹」？ 天水圍苦主揼心 醒目網民拆穿懷疑造假細節｜Juicy叮

年近歲晚，花店或花檔都大做年花生意。有天水圍街坊花300大元買了一棵「假蘋果樹」後，揼心地在網上訴苦。醒目網民即時拆穿「假蘋果樹」的西洋鏡，點出懷疑造假細節。詳情見下圖及下文：

買年花買著棵$300「假蘋果樹」？ 天水圍苦主揼心逐張睇↓↓↓↓

買年花買著棵$300「假蘋果樹」？ 天水圍苦主揼心 醒目網民拆穿懷疑造假細節｜Juicy叮

facebook截圖（資料來源：Giu Yang＠facebook「元朗、天水圍、屯門友」）

facebook截圖（資料來源：Giu Yang＠facebook「元朗、天水圍、屯門友」）

facebook截圖（資料來源：Giu Yang＠facebook「元朗、天水圍、屯門友」）

樓主：好陰公豬

樓主昨日（12日）在社交平台facebook群組「元朗、天水圍、屯門友」上載相片發帖，留言指在天水圍一商場內「買咗棵假蘋果樹，仲要俾個惡女人指住個鼻哥鬧，好陰公豬，呢個年頭在香港消費都慘」。

樓主上載多張照片，包括枝葉茂盛兼果實累累的涉事「蘋果樹」，和涉嫌造假「證據」。在回應欄，樓主進一步爆料指，由於「高科技出現好多嘢都會覺得合理」，因此才多次向店家求證，但對方仍「實牙實齒話係真蘋果樹啊」。

facebook截圖（資料來源：Giu Yang＠facebook「元朗、天水圍、屯門友」）

facebook截圖（資料來源：Giu Yang＠facebook「元朗、天水圍、屯門友」）

facebook截圖（資料來源：Giu Yang＠facebook「元朗、天水圍、屯門友」）

facebook截圖（資料來源：Giu Yang＠facebook「元朗、天水圍、屯門友」）

樓主：黐鐵支插個蘋果上去

樓主自怨「唔係北方人嘛，未見過真蘋果樹，所以俾人呃嘍」、「好多人經過都覺得真嘅」，直指這樹是「黐鐵支插個蘋果上去」。

樓主強調「就係因為自己唔識先問佢係唔係真蘋果樹，佢實牙實齒答我係真蘋果樹我先買㗎，太過相信佢哋了」、「口問N次係唔係真㗎，實牙實齒答我係真嘅蘋果樹」。由於不滿店家的「不良營商手法」，樓主透露已向海關舉報。

facebook截圖（資料來源：Giu Yang＠facebook「元朗、天水圍、屯門友」） ​

facebook截圖（資料來源：Giu Yang＠facebook「元朗、天水圍、屯門友」）

facebook截圖（資料來源：Giu Yang＠facebook「元朗、天水圍、屯門友」）

facebook截圖（資料來源：Giu Yang＠facebook「元朗、天水圍、屯門友」）

facebook截圖（資料來源：Giu Yang＠facebook「元朗、天水圍、屯門友」）

facebook截圖（資料來源：Giu Yang＠facebook「元朗、天水圍、屯門友」）

網民：好多年前已知造假

網民在「假蘋果樹」事件上的回應倒也多元化，不少人同情樓主並譴責店家，有人坦言也曾遭遇這不測，有「X2經歴」。

有人則提醒「好多年前都已經知道呢啲蘋果樹啲蘋果係釘上去嘅！咁細棵樹正常認知都唔會有咁多咁大隻蘋果啦！」、「諗都諗到咁細棵樹點會種出咁大粒蘋果出嚟，仲要咁多個生喺枝幹上，蘋果側邊又無嫩葉」，笑言「咁細棵牛頓點坐樹下面俾蘋果扑頭」。

雖然有網民指這棵其實也是真蘋果樹，只是「蘋果係用竹籤拮上去」、「傻瓜，啲蘋果黐上去㗎🤣🤣🤣」，建議「下次你上網睇吓蘋果樹是係點，咁咪唔會被呃」，但樓主卻提到「後面有經過啲阿姐話棵樹係桑樹來嘅」。有好心人則安慰樓主，指「咁佢又係......真蘋果喎🤪」、「明買明賣咪當裝飾」。

資料來源：Giu Yang＠facebook「元朗、天水圍、屯門友」

相關閱讀：