李佳芯自製催婚抗體 黎諾懿調高利是預算 孖住買花賀年親民派福利

由黎諾懿、李佳芯（Ali）主演的馬來西亞黑幫權謀劇《義和》，自開播以來口碑甚佳，更在馬來西亞掀起熱話。為迎接馬年，祈求新一年更多「芯懿CP」合作，兩人相約落區買花催運，期間吸引大批巿民圍觀合照，諾懿與Ali十分親民，來者不拒，實行大派福利。

李佳芯例必食年糕

每年新春，黎諾懿與Ali都不約而同在家擺放蘭花，為屋企增添喜慶感，黎諾懿表示：「以前新年，屋企有好多習俗，例如初一唔畀洗頭、掃地，但隨時代轉變，媽咪都唔再理，反而我自己有個習慣，就係買花，因為花有種喜慶感，我多數會買蘭花，會喜歡唔係單一顏色，白𥚃透紅就最靚。」至於向來重視過年的Ali，屋企亦有不少傳統習俗，她說：「大年初一一定去老人家屋企拜年，之前一晚細個總會去行花市，可以乘機出夜街，行到凌晨再買年花返屋企，我仲會爭住買全盒嘅糖果，因為可以買自己鍾意食嘅，糕點就必食年糕，因為好意頭，各方面都年年高嘛。」

Ali拜年，自製催婚抗體。

Ali透露小時最愛行花巿。

新年將至，李佳芯、黎諾懿相約買花催好運。

「芯懿CP」大受歡迎，二人期望新一年繼續合作。

黎諾懿、李佳芯主演的《義和》，贏得口碑、收視，二人期望開拍續集。

黎諾懿留港度歲

被問和親友拜年時可會擔心被催婚？Ali聞言即大笑：「近10年都唔怕親戚問嘢，因為已經有抗體，反而最怕親戚唔問，因為有部分親戚可能一年先見一兩次，所以我寧願每次見面都更新近況，唔怕佢哋問！」黎諾懿就表示本身親戚不多，不會有尷尬問題出現，過往新年都會帶仔仔旅行，不過今年他選擇留港度歲：「利是方面會加碼，希望派畀工作人員、一齊工作嘅同事，大家可以一齊開心。」提到《義和》在馬來西亞反應理想，贏得口碑收視，他們都覺得非常鼓舞，期望可以開拍《義和》續集，而Ali更希望新一年透過不同形式，包括電視劇、電影、YouTube Channel等作多方面嘗試。

李佳芯、黎諾懿吸引大批巿民圍觀合照。

黎諾懿、李佳芯表現親民，來者不拒。

黎諾懿向巿民大派福利。

李芯佳、黎諾懿買花期間巧遇Bob林盛斌媽媽。

黎諾懿認為花具有喜慶感。