佘詩曼認情人節有人約 想識鄺玲玲進軍泰國市場 接受外貌轉變盡量保持狀態：keep唔到都冇辦法

佘詩曼與吳千語今日（3日）到尖沙咀出席化妝品牌活動，阿佘提到新年最期待放假，與家人一起好好過年，也希望馬年可以遇到喜歡的角色和好劇本及拍多點好的作品給大家，而吳千語指今年多新嘗試，希望2026年好似一隻奔跑的馬般全速前進，同埋好似馬咁自由自在，熱烈追求自己想做的事情。

佘詩曼馬年最後一次露面

對於連續兩日出席活動搵錢，阿佘表示今年好開心，自己和媽媽也身體健康，又有工作，希望明年也一樣開心，她指會在7號拍廣告，之後就收爐，所以今次也是最後馬年前最後一次跟大家見面。笑指她收爐前也是拍廣告搵錢，問到今年是否已賺了8位數？阿佘說：「我冇計到，但我覺得可以做到自己鍾意做嘅嘢，係一件好幸福嘅事，《新聞女王》又播咗，而家希望《正義女神Themis》可以今年上。」

提到今年情人節，阿佘即表示「梗係有人約」，更指約了幾個人，有圈內也有圈外人，又笑言「日日都係情人節，日日都咁sweet！」不過後來她解釋只是約了幾個女仔，但由於不是自己搞，所以未知是否有男人，笑問她是否去Speed Dating? 她即狂笑表示「唔係」，又指當日大家是相約在自己家中，不過相信她們也不會帶自己不認識的異性來。

阿佘提到新年最期待放假，與家人一起好好過年。

阿佘希望馬年可以遇到喜歡的角色和好劇本及拍多點好的作品給大家。

對於連續兩日出席活動搵錢，阿佘表示今年好開心。

提到今年情人節，阿佘即表示「梗係有人約」。

佘詩曼與吳千語今日（3日）到尖沙咀出席化妝品牌活動。

一班粉絲到場支持。

阿佘說自己和媽媽也身體健康，又有工作，希望明年也一樣開心。

提到阿佘的粉絲鄺玲玲早前來港時，再一次表示想約她，阿佘指對方fans Club也有找她，可惜時間上不合。

阿佘想了解鄺玲玲

提到阿佘的粉絲鄺玲玲早前來港時，再一次表示想約她，阿佘指對方fans Club也有找她，可惜時間上不合：「不過總有機會，佢應該成日都會嚟，（你約佢咪嚟！）係咪真㗎 ？我都想了解佢係一個點嘅人，喺Media見到知道好Nice，都好鍾意笑同開朗，但未試過傾偈，如果有機會嘅話都幾好。」問到是否想跟她合作？阿佘表示好，提到她可藉此進軍泰國，她即曬泰文講「你好」。

佘詩曼指宣萱離開TVB是對方的選擇

對於有網民將她不同年代的照片放在一起，指她這麼多年也沒有變過，阿佘即指沒可能沒變，但也要多謝大家的讚賞：「盡量保持，做到就做，成日都希望保持狀態，但有時都好攰。（會唔會因為咁有壓力？）冇壓力，焦慮都冇用，呢個係現實，所以話盡量keep，keep唔到都冇辦法，由佢自然地轉變，都要接受自己轉變，冇可能一出世到而家都係咁嘅樣，我覺得唔同年紀有唔同魅力，所以做到自己鍾意嘅嘢或者達到自己嘅夢想，一路都有目標，我覺得咁嘅人生係好精彩。」至於是否會接受整容？阿佘指接受，但自己是否敢做就不知道。

另外，宣萱最近接受陳志雲訪問時表示當年離開TVB是因拒絕擦鞋文化，阿佘指這是對方的選擇：「我當年忙住拍劇，唔得閒做咁多嘢，當時真係好忙，一年363日都拍緊戲，都冇咁多時間去干涉其他嘢，我成日都覺得做好自己咪得囉。」