港男慘中深圳「採耳陷阱」 ¥60入場技師1招變天價 事後悔恨做錯「這步」｜Juicy叮

港人北上熱潮有增無減，有港男在社交平台發帖，大呻近日在深圳一間採耳店的不愉快經歷，懷疑自己被當「水魚」劏，事後悔恨當時做錯一步，以致懷疑被技師以一招，將原本60元人民幣的採耳服務，變成坐地起價4倍的天價收費。

港男慘中深圳「採耳陷阱」 ¥60入場技師1招變天價 事後悔恨做錯「這步」↓↓↓↓

 

 

 

 

 

 

 

 

 

 

 

 

 

 

有網民在「深圳大陸吃喝玩樂交流」FB專頁發帖表示，早前已在一個網上平台上，以人民幣59.6元（約港幣66.6元）購買了深圳一間採耳店的服務，該店位於深圳南山區一個知名商場內。

從樓主上載的截圖可見，該店在平台獲收錄約2年，有4.2分的好評，店舖裝潢光鮮，設有玻璃門牆，門面簇新。

樓主在帖文中表示，他在享受服務時，一位被形容為「嗰樣生得好似苗僑偉」的男技師，在採耳途中突然表示樓主的耳屎太多，要求額外再收取人民幣200元（約港幣223.34元）才肯繼續清理。樓主在帖文中無奈表示：「因為嗰時已經係夜晚，為咗趕返香港而被迫妥協畀錢。」最終，一個原本不足60元的採耳服務，連同額外收費，總共花費了近人民幣260元。

網民：擺明劏客應即時走人

帖文引來大批網民留言，不少人認為收費極不合理，直言「好貴wo，正常採耳收80（元）-100（元）」，「採耳挑走耳屎要另外收費，真係奇聞」。有網民指出：「因為你係香港人，水魚點唔劏」，認為樓主當時不抗議，只會令更多港人受騙，樓主則回覆指，公開事件就是希望「話俾大家聽唔好去幫襯呢間黑店」。

不少網民認為樓主當下的處理方法不當，紛紛表示「梗係唔好俾$200啦，即走唔好繼續做」、「為咗趕返香港應該係直接埋單走人」。對此，樓主亦坦承後悔，直認自己「衰在心急」及「細膽」，並表示「下次我直接退錢走」。

有網民亦分享類似中伏經歷，指採耳店收費「逐項逐項計」，充滿「隱性收費」，最後表示「今次當買個教訓，以後都唔會再去採耳」。

樓主亦忠告網民，若耳道真的不適，應直接「去三甲醫院掛號睇醫生就得」，以免墮入消費陷阱。

不過，亦有網民提出另一種可能性，質疑樓主的情況是否屬於「耳結石」，該網民指出，處理耳結石的收費本身就較昂貴，「唔可以當普通計算，仲貴過200（元）一次」，並非單純的採耳，但樓主回應指，他認為自己的情況「應該唔算」，只是「撩個粒耳屎好大粒」。

同場加映：港男實測深圳¥29洗牙¥1980植牙 港牙醫震驚指犯三大錯：「無臉癱真係已經好彩！」↓↓↓↓

 

港人北上深圳睇牙漸成風氣，網上有不少人揚言「平靚正」。

 

港男「黑糯米」近日實拍到深圳一間牙科診所，實測植牙（種牙）、剝智慧齒及洗牙。

 

除他本人外，更帶同外父及外母，一同做實測。

 

這間深圳牙科診所，收費僅香港10分之1。

 

洗牙¥29（約港幣$31）；植牙¥1980（約港幣$2131）。

 

他們到達後，先做照CT等檢查。

 

原來在這診所首次照CT，是免費的。

 

而且，首次求診，他們由福田搭的士到來的交通費，可向診所報銷。

 

負責的牙醫，先查詢各人病歷。

 

牙醫拿著兩枝棉花棒，為外父即時檢查口腔。

 

其後再觀看X光片，講解可行治療方案。

 

檢查完畢，再由診所主管報價。

 

港男表示，報價沒有硬銷的情況。

 

牙科治療開始前，先量血壓和檢查血糖。

 

首先，港男剝兩隻智慧齒。

 

他右下智慧齒，牙腳尖有倒鈎，醫生沒有開刀下硬剝。

 

他表示，當時非常痛，最後成功剝下，但牙齒腳尖斷裂。

 

該牙醫表示，殘留的腳尖，會慢慢和牙骨融合，不建議取出。

 

港男說：「成個（剝牙）過程用咗15分鐘，解決咗我30幾年嘅煩惱。」

 

他評價說：「佢（牙醫）嘅手勢都OK喎，全程竟然唔使開刀，亦都唔使聯針。」

 

接著到港男外母，她今次先種3隻牙。

 

港男計時，種3隻牙，全程只用了36分鐘。

 

港男說：「點解咁快嘅？......大概7個字嘅時間，就種完三隻牙出返嚟喇。」

 

他說：「咁有效率嘅？乜種牙，可以快成咁嘅咩，我都係依家先知。」

 

港男外父因血糖超標，一星期後，再到診所種牙。

 

外父做治療時，全程量著血壓，又先消毒口腔。

 

他事後說，今次種牙，一次過打四條樁，「香港唔會咁做。」

 

港男展示「成棚牙」，指¥29洗牙，「洗得好乾淨。」

 

外父外母的植牙效果，因要長時間才見真章，他承諾「一年之後會再出片分享結果」。

 

最後埋單，3人共付款¥43,860（約港幣$47,209）

 

金額具體明細：港男剝智慧齒：¥2,380（約港幣$2,561）;其外父植8隻牙：¥25,220（約港幣$27,145）;其外母植6隻牙：¥16,260（約港幣$17,501）

 

他強調絶非廣告，4萬多元是自己「真金白銀俾錢」。

 

拆解深圳整牙，港牙醫指過程疑有三大錯：

 

港男實測片曝光後，3名未有透露姓名的本港牙醫，留言詳細拆解當中問題，指有三大錯：

 

（1）牙醫感染控制意識薄弱

 

港牙醫指：「（該深圳牙科診所）衛生情況，係全部嘢都包晒焗袋，」

 

「但佢（該深圳牙醫）手套都唔戴，工具都唔攞就幫你哋檢查，」

 

「而幫你剝牙嗰個醫生，連手套都無戴就郁盞牙櫈燈，」

 

「轉過頭就用手套掂返同一位置，再幫你做手術...」

 

「可想而知，背後佢哋infection control（感染控制）嘅意識，都仲係薄弱。」

 

（2）無開刀剝智慧齒，隨時臉癱

 

港牙醫指：「（港男）右下智慧牙腳尖有倒鈎，仲咁近神經線，」

 

「佢地（該深圳牙醫）竟然唔開刀，就同你直接夾硬剝，腳尖當然會斷！」

 

「神經線無受影響，無臉癱真係已經好彩。」「你條神經線冇斷都偷笑。」

 

「你（港男）既智齒咁近神經線，一定要切開隻牙拆件剝。」

 

「神經線受壓，就有機會出現臨時或永久性麻痺，你願意為平幾千蚊冒呢個風險？」

 

「佢（該深圳牙醫）解釋時，竟然話無所謂？？的確大部份情況腳尖斷裂，未必會引起問題，」

 

「但如果係肯正常開刀處理......好可能可以順利剝出成隻牙根，又避得開神經線創傷，無後顧之憂。」

 

（3）種牙位置角度不理想，令植體有牙周病風險

 

港牙醫指：「（港男）外母六枝植體，基本上位置角度都唔係理想，會影響日後清潔。」

 

「種牙唔係一了百了，植體亦會有牙周病風險，而且會比真牙更加難處理。」

 

「只係初期完成一般唔會感覺有咩問題，但當清潔困難引發植體牙周炎......」

 

「到時就算想再種過，亦會因牙骨被嚴重破壞而好難再種。」

 

該港男其後回應港牙醫留言，表示：「咁驚，多謝你提醒。」

 

港牙醫分享 「執手尾」經歷

 

港牙醫又留言分享，「無數次」為北上整牙的公公婆婆「執手尾」的經歷。

 

他說：「......上去一兩次飲個茶、食個飯，就可能無咩所謂，但整牙咁緊要，真係要搏？」

 

「香港租貴人工貴，無可避免睇牙價錢，亦會較內地貴，」

 

「希望各位市民考慮清楚，健康係無價既，搞衰咗唔一定救得返。」

 

「例如，有缺失牙而經濟上又負擔唔到，寧願唔做/做活動假牙，」

 

「都唔好返內地夾硬做鑲緊/植牙，事後出事好難搞。」

 

「以往已經幫過無數個公公婆婆，要剝晒全口既牙齒，」

 

「就因為佢地唔識，走返大陸搭全口牙橋，」

 

「結果全部牙都累死晒，到最後逼住做全口活動假牙......已經返唔到轉頭。」

 

「自己都有兩三次北上消費......的確感覺佢地既服務態度，係真係好，」

 

「呢點係所有香港人，都真係要學習，包括本地診所醫生姑娘。」