林子博樂做網絡出氣袋：好小事啫 「AI」留言不痛不癢

前TVB主播林子博移英4年，不時回港探親順道搞下fans club聚會，最近更染指旅遊，變身領隊帶團到吉隆坡。對於外界質疑他「英國撈唔掂又返嚟香港乞錢」，他一笑置之懶理，淡然視為「AI留言」，更笑言不介意成為鍵盤戰士的「出氣袋」：「都控制唔到嘅嘢冇乜所謂啦，惟有係自己做自己嘢，能做出氣袋都屬好事。」 採訪：方騫平 場地：Henry Pub@鴻圖中心

林子博移英被鍵盤戰士追擊。

子博和16歲兒子卓楠無所不談。

林子博會登台搵真銀。

林子博是開明爸爸。

父子感情唔差。

家燕姐及黑妹姐等都撐子博。

林子博主張子女輕輕鬆鬆學英文。

16歲兒子還未拍拖。

林子博為兒子移居英國。

林子博跟范振鋒 (Ricky)、張顥霖 (Henry)及黎奕倫 (Colun)曾主持新城節目《Bibibala開大喇叭》。

移英4年的前TVB主播林子博，繼今年暑假後又重返，近日因擔任旅遊領隊帶團到吉隆坡而返港，但每次返港都惹來議題，面對網絡聲音，他從容面對：「咪當係AI留言囉，都控制唔到嘅嘢冇乜所謂啦，惟有係自己做自己嘢。」他甚至強調，即使被鍵盤戰士追擊亦不癢不痛，「能夠令佢哋可以開心啲、減到壓，做出氣袋都OK，小事啫。」林子博坦言，若批評者是面對面指責，他必定會「據理力爭反擊」，但對於網絡言論，他觀察到部分人缺乏社交溝通，才會訴諸網絡暴力。他透露今次返港純屬「徇眾要求」帶團，「其實我都唔係幾想做，因為實在太遠程。」

齊齊夜遊雙子塔。

子博和團友玩得好開心。

遊名勝。

帶團友遊吉隆坡商場。

子博寓工作於娛樂。

一齊食好西。

好大條魚呀。

彈性工作守護子女成長

林子博的移民決定，源於2002年經歷喪妻之痛。為帶子女離開傷心地，加上當時租約期滿及子女處於升學關口，他毅然決定轉換環境。移英後，他全職經營YouTube頻道「子博在英國」，每周主持五至六晚網台節目評論娛樂動態。他坦言：「收入同當年TVB差唔多，應付到基本生活費，唔使食老本。」這份工作讓他能彈性照顧子女，過着煮飯、接送、偶爾夾Band的規律生活。

返港時子博帶埋囡囡和TVB娛樂新聞台同事打邊爐。

熱愛演藝的大女詠渝今年暑假返港時在新城電台做短期實習。

移居後時間多咗，林子博和子女關係更親近。

林子博定時在後園剷草。

子博發文思念離世5年的太太Shirley。

當年阿姐用報紙包一叠千元鈔票助子博解困。

林子博每次返港都會抽空和忠粉聚會。

子博和李婉華及杜挺豪齊做YT節目《豪華博客》。

談及一對子女的適應力，林子博笑指他們比自己更快融入。16歲兒子卓楠升讀College電競科後英文顯著進步；女兒詠渝雖獲3間大學取錄，卻因未住滿5年，無法以本地生身份入學，面對國際生每年20多萬港幣的學費，林子博無奈道：「我又唔係有錢人，惟有叫佢停學1年，等明年攞到永居後學費減至9萬蚊1年。」作為開明爸爸，他堅持子女應為興趣讀書，「打機學英文反而更有動力！我只求佢哋快樂畢業，唔會畀壓力。」
 

在英國打卡。

閒時㧈去打網球。

每次返港都愛食韓燒。

難得和阿Bob聚舊。

和家燕姐聚會。