土瓜灣街市肉檔被指「一肉兩價」 女肉販「一秒神技」手法全公開 街坊$220買教訓：點解細嚿嘅仲貴｜Juicy叮

有在土瓜灣居住了十多年的街坊在網上發文，大呻在一間肉檔買餸時的「中伏」經歷，直言「冇面見人」，他披露中伏於女肉販的「一秒神技」，令他當場「呆一呆」，最後付出$220元買了教訓：「點解細嚿嘅仲貴？」

土瓜灣街市肉檔被指「一肉兩價」 女肉販「一秒神技」手法全公開 街坊$220買教訓：點解細嚿嘅仲貴↓↓↓↓

有網民在「To Kwa Wan 土瓜灣之友」FB專頁發帖表示，自己光顧土瓜灣街市內一間肉檔，這只是他第二次幫襯。

他當時看中一塊牛腩，但因為份量太多，便請檔口的女店員將牛腩一分為二，只打算買其中一半。

女肉貼秤肉以身擋視線

豈料，女店員順手拿起其中一份較大的去秤，報價二百多元。樓主憶述：「其實未秤之前我一直話要少啲，所以堅持要另一舊細塊嘅」，但店員竟口中唸唸有詞，更「用身體擋住我視線秤完話$220！」

樓主當場「呆一呆」，細的一塊竟然比大的更貴？他立刻追問原因，他引述當時與女肉販的對話：「跟住我問佢幾錢一斤......第一嚿$168，第二嚿$188」。樓主不禁驚呼：「同一塊牛腩兩個價」，質疑檔主手法極不老實。

從樓主上載的相片可見，涉事肉檔掛滿鮮肉，而他最終以$220元買下該「較細」的牛腩，他將牛腩放在一個草菇盒旁作對比，以顯示其大小，可見僅僅略長於該盒子。

街坊網民：依間牛肉檔出哂名海鮮價

帖文一出掀起街坊網民熱議，原來不少街坊都曾有過不愉快經歷，有指該檔的價錢是「海鮮價」：「呢間真係態度差之餘，仲要價錢隨口噏」、「呢檔出咗名唔老實同串咀」、「依間牛肉檔出哂名海鮮價」，有街坊指：「我幫襯過佢一次之後冇再幫襯。」

除了價錢問題，街坊更指店員的態度惡劣：「成日鬧人！」另一位則分享被嘲諷的經歷：「可能我廣東話唔係好正，就問幾錢一斤，果個八婆話，好貴嘅，我冷笑答，洗唔洗1000蚊一斤啊？寸到死。」

有網民更踢爆該店衛生及經營手法問題，例如「新鮮同埋凍肉兩溝」、「入面勁多老鼠」，有人更爆料：「上次仲坤個客，話條毛巾遮住果嚿冰凍牛小排係新鮮」。

網民紛紛向樓主獻計，有人建議當時應拒絕購買：「擺明揾水魚，咁就唔買啦～」，也有人提議向有關部門求助：「1823幫到你」、「打畀海關」。

來源：「To Kwa Wan 土瓜灣之友」FB

同場加映：大埔燒臘店疑靠「砧板擋」出蠱惑 $263燒味過年開盒中大伏↓↓↓↓

大埔燒臘店疑靠「砧板擋」出蠱惑 $263燒味過年開盒中大伏

他想買燒鵝下莊，價格是$150，這時店員極力遊說：「店員就話買半隻都係$200。」

事主覺得相差只是50元，很划算，「咁我覺得都係喎，咁就要半隻燒鵝。」

他又同時買了一條$63的燒腩仔，連同$200半隻燒鵝，總數$263。

事主取燒味時沒有開盒檢查，回到家後打開發現中大伏。

事主發現，$200半隻燒鵝，份量反而比半隻「燒鴨」還少。

事主指：「平時半隻『燒鴨』都可以塞滿個外賣盒。」現在「加埋鵝頭鵝頸盒野都係鬆嘅」。

而且，還充塞一些下欄位：「買半隻燒鵝就畀全個鵝頭。」

有網民問會否膠盒比發泡膠盒大，「所以睇落去沒咁滿？」事主回應指：「燒鵝，唔係燒鴨，鵝好大隻㗎。」

有網民懷疑店鋪會否將燒味「調亂咗」，事主則強調：「無可能調亂，我睇住。」

至於那條$63的燒腩仔，事主表示，該條燒腩仔是他自己現場揀，但懷疑被店家「偷龍轉鳳」。

「—打開個盒裡面唔同晒，多咗好多舊只有厚皮，但就冇肉嘅嘢。」

事主指，該燒臘店懷疑靠「砧板檔」遮掩，讓顧客看不到他們在做「蠱惑嘢」。

「斬燒味個砧板前面，一定會有塊好高嘅檔，睇唔到佢裡面啲蠱惑嘢。」

他呼籲網民：「以後買燒味一定要搵間要睇到佢裡面鉆板嘅。」

不少街坊留言指亦曾中伏：「冇錯呀成日都有啲咁嘅事。」「之前我都試過，所以真係唔好幫襯！」有人教路：「企中間少少可以睇哂兩塊鉆板位。」

有街坊又指該店氣焰凌人，有人曾因為排錯隊被店員無禮驅趕，指「我依家唔做你生意，你走啦」。

有人表示買燒味飯，曾想「飯餸分開，畀返盒錢」，結果換來「老闆爆句成朝都西客」。

有人又爆料指：「佢燒肉寫到明，買一斤搭四兩其他，（所以）我只會買叉燒。」