遇见小面上市首日插水｜莫灏楠

遇见小面（2408）上市第一日就爆炸就无咩好讲，其实都系财技操作。反正而家IPO回拨咁少，咩都系货源归边。够筹炒得起就跟，无钱推就收工割韭菜。

睇啲新闻话大家发现佢原来系预制菜，炉头都无个，全部都系急冻胶袋装住，翻热就食得。因为咁所以大家觉得伏，跟住就队爆只股票。IPO价$7.04，收市得翻$5.08。

心谂，预制菜就预左，其实而家好多野都系预制菜。茶餐厅个沙爹牛肉面唔通唔系预制咩？咪又系味精汤+干面？最多搭块炸猪排比你。

老实讲，预制唔系问题，你觉得味道可以接受，卫生食唔死人嘅咪食囉。唔中意嘅都可以唔食，无人逼你。人地卖紧廿零三十蚊碗，仲免费加面，唔通比龙肉你食咩？

最后，其实以上呢堆野同只股票系无任何关系咖。间公司赚钱唔赚钱，都无咖。阿哥，呢只新股黎咖，新股讲基本面讲估值？第一日出黎炒野？

独立股评人

莫灏楠