雙塔廁所嚇窒港女 睇樓遇上特色盤：幾平都唔想租 網民解鎖用法大讚設計優點多｜Juicy叮
有港女早前睇樓時遇上特色盤，被雙塔式的廁所設計嚇窒，表明「幾平都唔想租」。但這奇葩手洗間卻獲網民解鎖用法，大讚設計優點多多。
詳情見下圖及下文：
睇樓遇上特色盤 雙塔廁所嚇窒港女：幾平都唔想租 網民解鎖用法大讚設計優點多逐張睇↓↓↓↓
樓主：幾平都唔想租
樓主10月30日在社交平台Threads以「租樓」為題上載相片發帖，指「想些牙（share，分享）好耐，話說之前去睇樓，個經紀話個盤啱我哋，地點交通方便，但上到去見到呢個廁所嘅間隔，真係幾平都唔想租😂呀業主夫婦有幾恩愛，要拖住手一齊屙係咪？」。
相中的洗手間環境衛生又簇新，放馬桶的位置更加零舍闊落，因為廁所的馬桶打孖上，兩個一字排開排排坐。
相關閱讀：畢業生土瓜灣見工驚見奇葩廁所 3個馬桶排排坐 網民嚇壞：幼兒園式設計
網民：一人一個私家廁好
雖然雙塔廁所並非樓主杯中茶，但這設計卻贏得不少網民青睞，紛解鎖雙塔用法，大讚優點多多。當中不少人從衛生解度去看，指：
•自己屎漬自己清；
•各自用唔使嘈交；
•唔使再嘈開唔開蓋；
•其實一人一個私家廁又幾好；
•男左女右，唔好掂我個馬桶；
•一人一個，邊個整污糟就自己執返；
•我覺得好正喎，自己用一個，唔使咁勞氣；
•上手沖完水未回得切水而你又急咁就去另一個，完美；
•唔使拖住手一齊屙，但各自用一個，分男女囉，都ok吖；
•呢啲似係男女主人各用自己嗰個，當然再奢侈啲應該有兩個獨立廁所。
相關閱讀：港男遊日去廁所𢲷爆頭 奧方 VS 殿方 邊個先係男廁？ 結局大出奇：日本大媽都入錯
網民：免卻爭廁所問題
相見好同住難，爭廁所實在傷感情，有網民於是指出，雙塔廁所可免卻這一大生活問題，指「因為有啲人（咩性別就唔講喇）鍾意一邊屙屎一邊玩手機，叫佢起身好似殺佢父母咁，雙塔設計提供一個唔使間開兩個廁所但又可以俾2人屙屎／屙尿嘅解決方案」。
不少網民補充，「你唔明爭廁所有幾恐怖」、「趕住返工時你就明白呢到嘅用途係乜」；另有人笑言「驚一齊食錯嘢肚屙唔使爭廁所」、「幾好，唔驚食物中毒要爭廁所」、「冇問題，啱budget（預算）就得，兩公婆冇所謂，肚屙起來真係要兩個馬桶」。
但始終還是有網民站於樓主這邊，感慨「多個馬桶係好事，但做乜Ｘ要擺隔離」。
資料來源：scentsandother＠Threads
相關閱讀：星級待遇？港男商場廁所大便門前竟放「煙花」 火花狂噴入廁格射埋身 事主嘲：連隔離街嘅人都嚟埋睇↓↓↓↓
有港男分享10月29日在商場廁所遇到奇遇，他在廁格大便時，竟遇到有人對正他廁格做一事，令火花狂噴入廁格內，他形容是「放煙花」和「星級待遇」，更自嘲：「連隔離街嘅人都嚟埋睇。」↓↓↓↓
>>>星島網WhatsApp爆料熱線(416)6775679，爆料一經錄用，薄酬致意。
>>>立即瀏覽【生活百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。
