原來視咁的丨Bob孖施宇琪袁文靜考藝人知識水平 三大港姐冠軍齊贏頭威

TVB慶祝58周年台慶，推出全新台慶綜藝《攻你上大學》，將由今晚起、逢星期一至五晚上10點半於翡翠台播映，節目共10集，由林盛斌（Bob）率領2025年香港小姐亞軍施宇琪及季軍袁文靜擔任主持，廣邀「城」中藝人一晚玩盡小學、中學、大學三個級別的學術常識題，答中可贏得獎學金外，更隨時有機會晉身11月19日台慶夜遊戲環節爭巨獎。

林盛斌帶住今屆港姐亞軍施宇琪和季軍袁文靜一齊主持《攻你上大學》。

10位「同學仔」齊齊以校服亮相，接受知識大考驗。

首集《攻你上大學》挑戰隊伍為台慶劇《金式森林》演員，包括羅子溢、陳曉華、何廣沛、羅天宇、何依婷、陳庭欣、莊子璇、陳浚霆、陳星妤及唐嘉麟，10位「同學仔」齊齊以校服亮相。雖然是學術常識問答比賽，但遊戲過程「花生」指數相當高，首先袁文靜在節目中將再度大晒廣東話Rap功，宣布賽制，更獲阿Bob封為「地球上最勁嘅Rapper」，另因袁文靜的廣東話依然是有限公司，她在節目中不斷為藝人改「花名」，分別是「何廣屁」、「羅子二」等，堪稱全晚「氣氛＋搞笑擔當」。

Bob攞咗天宇的緋聞來開玩笑，搞到天宇怕醜的做個OK手勢去回應。

文靜Rap完即笑問原創者唐嘉麟聽唔聽得明?

另一大花生位，是阿Bob賽前突然訓示羅天宇：「唔好溝咁多女啦，好冇？！」陳庭欣聞言即和應：「啲真嘢唔好攞出嚟講。」之後Bob大玩諧音兼大擺OK手勢謂：「𠵱家嗰個係得（德）呀！一定得呀！而天宇亦即甜笑擺出「害羞OK手勢」回應，粉紅氣泡滿滿。

第1集的內容包括了小學及中學的答題部分，令人驚訝的是，第1題的「小學一年級中文題」，已考起方氏一家，題目：「方氏商業王國嘅『方』字係咩部首？」，陳浚霆更因為讀錯其中一個答案部首的發音而被封「陳浚J」。

陳浚霆因為亂讀個部首，獲封「陳浚J」。

三大港姐冠軍，到底可唔可以贏到最後呢？

三位藝人被淘汰

比賽初段，三大領先的參賽者竟巧合地是三位前港姐冠軍陳庭欣、陳曉華及莊子璇，令阿Bob不禁讚歎果然「美貌與智慧」並重；而三位港姐冠軍中，以陳庭欣答題最有技巧，一度選用排除法答題；至於非港姐參賽者則以何廣沛實力最高，除了邏輯推理能力好、歷史常識也略勝一籌。值得留意的是，完成小學競賽部分後，會有三位參與藝人被淘汰，到底是哪三位？就要密切留意今晚首播的《攻你上大學》。