Gordon Flanders生日前“改头换面”出新歌 罕有深发色现身 许愿开演唱会
10月22日生日的Gordon Flanders在生日前夕推出他的第五首派台歌《不要评论这首歌》。他坦言新歌灵感来自他曾对于音乐及创作失去热情的时候，Gordon认为，身为一个音乐人是需要无时无刻地喜欢音乐，可是他有时候也会因为音乐而感到气馁或想逃离，这种矛盾嘅心态曾令他感到迷茫，质疑自己。
Gordon Flanders重燃创作热情
Gordon说：“我最近啱啱推出咗新歌《不要评论这首歌》，点解会写呢首歌呢？成个创作理念就系因为我最近做音乐嘅时候，发觉自己好似冇以前将音乐当做兴趣时嘅热情咁大，咁但系我好无奈地我又夹硬要强迫自己，因为我认为音乐呢一样嘢系我依家嘅终身职业，咁我觉得我冇可能唔热爱呢样嘢，咁其实有一个好矛盾嘅心态就系本身呢一样嘢系我嘅兴趣，咁佢慢慢变成个职业之后，你可能会慢慢对于𠮶样嘢嘅热情会减退，但系你又个内心又唔可以同自己讲话其实我唔钟钟意依样嘢，咁所以今次呢首歌就系就形容紧呢个好矛盾嘅心境。” 他继续说：“我谂应该每一个创作者应该都会遇到一个烦恼啦，当一个兴趣变成一个职业嘅时候，大家就会无意中畀自己一个压力，咁其实呢首歌个创作𠮶个理念就系希望我自己秉持住就系其实唔好谂咁多啦！”
Gordon分享选择生日前夕推出这歌的想法，希望寄语自己能够更加相信自己，坚定自己的目标！他说：“ 今次呢首歌拣喺我生日前推出，希望自己用呢首歌去迎接一个全新嘅自己，即系27岁嘅Gordon Flanders，出完呢首歌之后最好就唔好对于自己嘅决定有咁多犹豫又或者多啲相信自己啦！呢个亦系我今年年尾亦都系来年畀自己一个目标！多啲相信自己！”
Gordon Flanders弃金发
自加入华纳后他一直以金发、短裤、带有陀表造型现身，为配合新歌主题，Gordon把头发染深，以一身更为成熟的造型示人，他说：“因为我发现我近呢几年我系金色头发，长年累月嘅漂发令到我头皮呀𠮶啲发质已经开始唔系好掂，咁所以为咗令到我自己（啲头发）可以行更远嘅路，咁我就想休养一下我个头发先！咁呀今次或者接住往后可能一年两年暂时大家都会见返呢个黑发啦，咁希望大家会有新鲜感啦！” Gordon更趁机“许愿”，对向公司表示：“咁我亦都喺度许愿啦！希望会有个Concert啦！如果真系有嘅话，大家记得系嚟睇啦！”
>>>星岛网WhatsApp爆料热线(416)6775679，爆料一经录用，薄酬致意。
>>>立即浏览【生活百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。
