轉數快離奇收$10萬轉賬稱入錯 網民疑暗藏貸款陷阱：「轉返畀佢就中招」 事主揭後續咁應對｜Juicy叮

有網民昨日（22日）分享離奇遭遇，他指近日突然在轉數快收到高達10萬元的轉賬，未幾有人分別Whatsapp和致電給他，稱「過錯數」，此遭遇引發熱議，有網民懷疑暗藏貸款陷阱，提醒事主不要私下「轉返畀佢」，否則可能「中招」，事主則透露後續應對方法。

轉數快離奇收$10萬轉賬稱入錯 網民疑暗藏貸款陷阱：「轉返畀佢就中招」 事主揭後續咁應對↓↓↓↓

有網民昨（22日）在社交平台發帖表示，突然從轉數快收到「成十萬銀嘅轉賬」，「跟住有人又whatsapp我又打俾我，話係過錯數」。

事主對於金額高達十萬元，竟有人會過錯數感到非常詫異：「大佬，十萬銀齊齊整整五個零，你話加減返幾千幾百都可信，又或者只係過錯幾百蚊嘅話，我都可以直接過返俾你，但係十萬蚊我真係唔敢郁。」

他更幽默地拋下金句：「我啲朋友圈咁Ｘ基都冇五個0咁多。」他又謂：「最Ｘ sad嘅係，咁大個仔，個戶口第一次有六位數，竟然係因為人哋過錯數。」

獲$100,000入賬 事主驚訝：「我啲朋友圈咁Ｘ基都冇五個0咁多」

事主在帖文中分享事件截圖，可見其接獲銀行通知短訊，指賬戶有人存入10萬元，此外，該「入錯數」人士在Whatsapp中留言表示：「唔好意思，我啱啱轉錯數俾您，麻煩覆電話俾我。」

帖文引發熱議，不少網民奇怪對方何以會「有你電話」，樓主則回覆估計：「佢應該用轉數快落錯我電話到。」

由於轉錯數金額龐大，引來不少網民揣測動機，呼籲樓主防犯詐騙，有網民高度懷疑是貸款陷阱：「嗰啲唔係轉賬！係有人以你名義（申請的）貸款，你轉返畀佢，就佢袋咗你啲貸款走，之後銀行追你！」該網民指早前TVB《東張西望》亦有報導過有類似手法。

網民籲別私下處理 應聯絡銀行

網民均呼籲樓主不要私下處理，應即時聯絡銀行，由銀行處理，以策安全。

樓主交代後續處理方法，他指由於十萬元金額很大，他「真係唔敢郁」，最後叫該人士自行找銀行處理：「我就叫佢搵銀行搞返，叫銀行做中間人去搞返退款。」

他又透露致電自稱「過錯數」人士，對方態度客氣：「對方又冇乜點叫我過返數俾佢，只係同我電話上講咗『已經報咗警同埋搵咗銀行搞』，語氣上都客客氣氣。」

他希望事件「應該只係錯手轉錯掛，但係我都只係信銀行」。  

錯誤轉帳點算？收誤入款項不歸還屬刑事？銀行公會及金管局咁講...

根據銀行公會及金管局「跟進錯誤轉帳的處理程序」新指引，市民如不慎轉帳到錯誤戶口，應盡快聯絡有關銀行或電子錢包營運商，尋求協助。有關銀行在接獲客戶「轉錯數」報告後，應在2個工作天內要求收款銀行聯絡客戶，並確認有關誤收轉帳，並需取得客戶授權後方可即時轉回有關金額。

而銀行亦有責任提供一切相關資料，協助客戶盡快識別轉帳是否有誤，並需提醒收款客戶不歸還誤入款項，可能要承擔刑事責任。 

來源：longlong7728＠Threads

同場加映：真創意！港媽巧用「轉數快」奇招尋銀包失主 連登仔讚爆：真係得香港人先做到咁高質素！↓↓↓↓