司機「雜技式」駕駛行港珠澳隧道 乘客唔知驚笑騎騎：香港人咁嚟開車 網民腳軟：俾埋條命佢玩｜Juicy叮

有司機在一條長長的隧道內，無視危險以「雜技式」方法駕駛，身旁的乘客卻唔知驚，笑騎騎地稱「香港人咁嚟開車」；網民則已嚇到腳軟，指「俾埋條命佢玩」。詳情見下圖及下文：

司機「雜技式」駕駛行港珠澳隧道 乘客唔知驚笑騎騎：香港人咁嚟開車逐張睇↓↓↓↓

司機「雜技式」駕駛行港珠澳隧道 乘客唔知驚笑騎騎：香港人咁嚟開車 網民腳軟：俾埋條命佢玩

facebook截圖（資料來源：Hui Lam＠facebook車cam L（香港群組））

facebook截圖（資料來源：Hui Lam＠facebook車cam L（香港群組））

facebook截圖（資料來源：Hui Lam＠facebook車cam L（香港群組））

facebook截圖（資料來源：Hui Lam＠facebook車cam L（香港群組））

司機「雜技式」駕駛行港珠澳隧道 乘客唔知驚笑騎騎：香港人咁嚟開車 網民腳軟：俾埋條命佢玩

樓主：咁樣開車

樓主本月16日在facebook群組「車cam L（香港群組）」上載短片發帖，留言指「咁樣開車」。短片長約12秒，根據車上的愉快對答聲音，連同司機應至少有2男1女。片中的對答如下：

•司機：喺隧道係得㗎喎；
•男乘客：香港人咁嚟開車；
•男乘客：喺大陸就扣分喇；
•司機：喺隧道唔會影㗎嘛；
•男乘客：呀，你真係；
•男乘客：港珠澳隧道呀。

相關閱讀：小巴司機駕駛期間疑瘋狂聞歌起舞 網民O嘴：好似耍詠春咁

司機雙腳擱於軚盤上

片段中，男子在隧道內駕駛期間，把雙腳擱於軚盤上，左手放於大腿旁，僅用右手扶著軚盤。由於男乘客曾提及「港珠澳隧道」，估計事發路段是港珠澳大橋隧道段。

回應的網民見到這樣危險的駕駛方式都相當緊張，力斥「真係影衰晒香港人」，並指「唔好害人」、「害死人呀！」、「戇X當有型！」、「俾埋條命佢玩」、「佢死唔好累人」、「咁樣揸車害人害己」、「自以為好有型咩？人渣自己死就好，請不要拿別人的生命玩」。

相關閱讀：的士離奇伸出一對玉腿 網民傻眼 睇真啲原來仲有呢樣嘢......

網民：唔使踩油門㗎咩？

另有人在討論這駕駛方式，查問「唔使踩油門㗎咩？」，於是有熟行情的人指，「佢開咗定速」、「應該開咗定速」；但有人心水清，點出問題癥結所在「就算開咗定速  有咩突發事唔使煞掣？」。

還有人從實際的駕駛情況去看，「佢攰唔攰」、「其實咁樣仲攰」、「咁開舒服咩？」；有網民猜測可能只為「拍片而做呢個動作」。

有好心地的網民則替司機擔心，指「一爆氣袋炸斷腳」、「一爆氣袋就殘廢」、「爆氣袋成個人摺埋」、「以為好型 ，一撞車就殘廢……」。

資料來源：Hui Lam＠facebook車cam L（香港群組）

相關閱讀：城巴女車長「蒙面」駕駛惹驚嚇 知情者揭面具真實用途疑有苦衷↓↓↓↓

有網民搭城巴驚遇一名「蒙面」女車長，駕駛時戴上一個白色面具，並配戴太陽眼鏡，有關照片在網上掀起熱話，有知情網民揭開有關面具的真實用途，並懷疑女車長「蒙面」有苦衷↓↓↓↓

城巴女車長「蒙面」駕駛惹驚嚇 知情者揭面具真實用途疑有苦衷