草蜢下星期出發到新加坡開演唱會 蔡一傑手術後重啟巡唱：狀態很好 望同期歌手關淑怡大步檻過

草蜢三子蔡一智、蔡一傑、蘇志威昨晚（18日）為慈善節目《善心滿載仁愛堂》演出，草蜢三子打頭陣演出，他們笑言久未到訪TVB，今次既可唱新歌又可做善事，而早前出席內地草莓節及武漢音樂會，現場有不少年青人支持。近三十年未有參與校園騷的草蜢，笑言日前有份參與而勾起好多回憶，又大爆當年試過一日最多走九場騷記錄。

不敢打擾關淑怡家人

草蜢透露近期密鑼緊鼓為演唱會練歌排舞之外，下星期準備出發到新加坡繼續《RE：GRASSHOPPER》世界巡唱，是蔡一傑手術後重新投入巡唱。問到蔡一傑身體狀況如何？雖然他表示未到十足十恢復，但各方面都Ok，狀態很好。提到同期歌手關淑怡入ICU治療，蔡一傑說：「佢曾經係我同公司同事，佢係我多年嚟合作最多嘅女歌手，對於佢嘅病情，我哋當然關心同擔心，希望佢大步檻過，早日康復、身體健康，希望傳媒畀啲空間畀佢哋家人，唔好騷擾佢哋。」談到可有透過中間人慰問關淑怡？三子表示不清楚情況，也不敢打擾她的家人。

草蜢透露近期密鑼緊鼓為演唱會練歌排舞。

蔡一傑透露身體狀況各方面都Ok。

蘇志威強調冇欠員工錢。

下星期準備出發到新加坡繼續《RE：GRASSHOPPER》世界巡唱木。

草蜢打頭陣為《善心滿載仁愛堂》演出。

草蜢笑言久未到訪TVB，今次既可唱新歌又可做善事。

草蜢活力十足！

謙稱只是香港組合

提到草蜢著手籌備40周年專輯，三子表示一年多前已籌備，是一隻好有紀念性的專輯，給予粉絲好大的禮物，將會收錄40首全新歌曲的實體碟，暫時已錄了一半，預計明年推出。他們說：「我哋從來無諗過呢個組合走到40年，都好驚喜！覺得好神奇，並唔容易！無論危難、歡樂日子都一齊過，諗起都幾恐怖。選「新秀」入行至今，由第一首歌《飛躍千個夢》到依家，證明梅姐（師傅梅艷芳）有慧眼，證明佢無睇錯。最驕傲係我哋計過喺亞洲入面我哋一個組合，依家未解散，呢個係我哋對香港樂壇一種堅持，宏觀現今頒獎禮好多組合出現，所以我哋有種使命感。」當記者讚他們是殿堂級組合，三子謙稱只是香港組合，未來繼續努力做好自己已足夠。

蘇志威強調冇欠員工錢

另外，草蜢成員蘇志威有份創立的舞蹈學校i Dance，涉拖欠員工強積金供款。蘇志威表示事件用了兩小時便解決，亦有提醒員工以後要小心處理手續文件，強調自己未欠員工錢。