熊黛林長駐內地工作撇低老公兩個女 聞郭富城將迎第三胎尷尬笑

熊黛林（Lynn）、朱千雪、簡淑兒、ANSONBEAN今日（14日）出席美容活動，久未在港露面的Lynn容光煥發兼身材Fit爆，她表示剛度過45歲生日，自言保養尚算不錯，有努力做運動，現時大部份時間在內地工作。

熊黛林︰做家庭主婦好悶

Lynn明言家庭主婦生活沉悶，她說：「冇咗追求、價值同目標，日日喺屋企淨係做人媽咪、老婆好無聊，冇工作冇自信，同老公都冇話題啦，開口就講小朋友，屋企要買米……我40幾歲就要咁？仲有幾十年點算？所以有嘢做會好啲，唔會同社會脫節，而家有戲就拍，做直播扮靚都開心，同老公多咗話題。」Lynn表示在內地工作與老公郭可頌似小別勝新婚，身在香港的老公會掛住她，笑指見面時老公特別黐身，而女兒已習慣母親的工作模式。Lynn自認「虎媽」，夠惡又嚴格，惟囡囡7歲開始反叛，兩女兒會打交又頂嘴。談到日前生日，她指女兒忘記畫生日卡，「老公送佢個人畀我。」會否再造人？她說不會，已45歲很難收身，有兩個小孩已足夠。

另外，談到舊愛郭富城快將迎接第三胎，Lynn表示：「新聞好難睇唔到，都知道啲。」問會否恭喜城城？她尷尬地笑，並說：「你哋咁多人恭喜佢就得啦！」

熊黛林久未在港露面。

熊黛林長駐內地工作，撇低老公同兩個女喺香港。

熊黛林（右四）、朱千雪（左四）、簡淑兒（左三）、ANSONBEAN（右三）出席美容活動。

熊黛林聞郭富城快將迎接第三胎，尷尬地笑。

熊黛林明言做言家庭主婦好悶。

熊黛林在內地工作，與身在香港的老公郭可頌似小別勝新婚，笑指見面時老公特別黐身。

熊黛林唔會再生B，她說已45歲很難收身，有兩個小孩已足夠。