VIVA真人騷再度同居考默契 楊博士親自借出物業做宿舍 勁過軍訓每晚11點強制熄燈

英皇女團VIVA真人騷《VIVA Medium Rare House第二季》正式開機，去年第一季多得師兄張敬軒借出「發跡屋」，今次更巴閉，英皇集團主席楊受成博士親自借出公司物業做宿舍，仲要一住就半年，可謂「升呢」兼「加碼」！四位成員講到明：「今次驚少咗，期待多咗！」今次不用瞓上下格床，而且有半年時間同居，VIVA一聽到可以不用再4人逼一房，立即雙眼發光，異口同聲話最希望每人一間房。而經過上季磨合，她們坦言明白彼此都需要私人空間，所以今次分房成為最期待的環節。

沒有上季賺錢機制

講到今季目標，四人各有計劃，Carina想學煮飯，「我會煮你哋鍾意食嘅餸……試煮。」Ada就想挑戰烘焙，仲指明要請教VALC，「聽聞VALC好叻，如果住6個月的話，我想請教吓佢。」VALC就想嘗試早睡早起，說到這裹，製作組即時放出震撼彈—今季宿舍每晚11點就熄燈！4位平均凌晨3點才上床的「夜鬼」當堂眼都凸，節目組再指今次沒有上季的賺錢機制，看來今次VIVA真的要睇餸食飯。

VIVA真人騷《VIVA Medium Rare House第二季》正式開機。

英皇集團主席楊受成博士親自借出公司物業做宿舍。

四位成員講到明：「今次驚少咗，期待多咗！」

今次VIVA不用瞓上下格床，而且有半年時間同居。

VIVA非常興奮！

成員們默契十足

至於最想在宿舍舉行甚麼活動？4人不約而同指要玩boardgame、大電視，總之要好玩！談到拍第二季的心情，她們都非常坦白：「上一季恐懼比較多，可能嗰陣時未打開心扉。依家期待多過恐懼，就算鬧交都好，可以好快解決，而且應該都係好雞毛蒜皮嘅事，我諗唔到仲有乜嘢可以再嘈！」而到了「收樓日」，最令人驚喜是楊博士親自到場跟VIVA參觀宿舍，還講解「宿舍十誡」，保持家居清潔、家務分工合作、愛護公物這些都是基本，但當讀到「如發生糾紛需24小時內解決」時，VIVA即刻嘩聲四起：「呢條要打星星呀！」看來上季嗌交經驗令她們印象深刻！今季分房方式亦十分特別，她們要閉上眼睛指出最想跟誰一間房，結果令人驚喜—Carina跟VALC互指、Ada跟Macy互指，默契十足！