鄭伊健赴新加坡參與音樂會 韓星Rain自認係「麵粉」

鄭伊健上周末與黃淑蔓（Feanna）、樂隊Nowhere Boys（NWB）赴新加坡，出席在環球影城戶外場地舉行的「JAM OFF 2025」音樂會，同場還有鄧麗欣（Stephy）及韓國天王Rain。今次是NWB出道10年首次海外演出，他們打頭陣獻唱多首作品，擅長互動的主音Van更主動跑落台與群眾握手，更教大家一齊跳起及拍手，台上台下打成一片，最後又來個全場大合照，紀念這個重要時刻。

鄭伊健迎58歲生日

接著，由伊健的音樂總監陳光榮帶領樂手出場，Feanna打頭陣以女高音唱出伊健2001年作品《太陽出來了》的intro揭開序幕，伊健出場演唱《興波作浪》、《友情歲月》、《甘心替代你》、《發現》和《一生愛你一個》等經典作品，並與Feanna合唱《心照》。由於音樂會在室外舉行，全力獻唱的伊健瞬間大汗淋漓，唱完第二首歌《友情歲月》後，伊健忍不住揭開西裝外套，露出結實的肩膊唞涼，令台下fans忍不住尖叫。之後他向各方的觀眾揮手打招呼：「我好想同大家say個Hello！別來無恙嗎？呢幾年經歷咗好多嘢，好開心今日你哋嚟睇騷，見返大家。」之後Dancers出場，伊健又跳又唱《極速》和《Together》，更走到台下與觀眾握手，掀起全場高潮。而然後Stephy穿長裙出場，大騷纖腰和靚背，她表示好開心見到台下有fans，從她的澳門個唱追到來新加坡捧場。

壓軸演出的韓國天王Rain，原本無須提早到音樂會現場，但原來他是伊健的Fans，特意提早到場見偶像。握手後Rain以英語向伊健表示「細細個就睇你嘅戲，你係我偶像！」伊健表示感謝，事後伊健說：「10幾年冇見，我哋之前有一齊喺日本做過騷。重逢真係好，正如我喺台上講，原來經過時間洗禮，再見返，真係得來不易！」而陳光榮透露《頭文字D》電影原聲黑膠碟已在日本印製，好開心預售反應非常熱烈。之後他們拉隊食消夜，適逢本周六（4號）伊健生日，團隊送他生日蛋糕和唱生日歌慶祝。

Rain以英語向伊健表示︰「細細個就睇你嘅戲，你係我偶像！」

伊健表示跟Rain10幾年冇見，「我哋之前有一齊喺日本做過騷。重逢真係好！」

鄭伊健與黃淑蔓（Feanna）、樂隊Nowhere Boys赴新加坡，出席在環球影城戶外場地舉行的「JAM OFF 2025」音樂會。

鄭伊健赴新加坡出席在環球影城戶外場地舉行的「JAM OFF 2025」音樂會。

「JAM OFF 2025」音樂會有鄧麗欣（Stephy）及韓國天王Rain演出。

Nowhere Boys帶動現場氣氛。

鄭伊健與Nowhere Boys、Rain合照。