【有片】笨賊踩場萬錦甜品店　收銀機開唔到只拎罐汽水逃去

【星島綜合報道】萬錦市一間甜品店周一（9月22日）晚遭一名匪徒踩場，場面尷尬至極——匪徒持扳手恐嚇職員，但最終未能打開收銀機，只好拎走一罐汽水逃去。

案發於22日晚上約8時15分，地點為Copper Creek Boulevard。一名身穿深色衣物及戴口罩的男子踩單車到店，起初與店員寒暄，隨後拔出一支大士巴拿（扳手）恐嚇職員，要求交出金錢。警方表示，疑犯未能打開收銀機，最後只拿走一罐汽水離去。一名途人嘗試協助職員時，更遭疑犯襲擊，幸無大礙。

涉案男子其後騎著白色單車沿Copper Creek Boulevard向西逃走。警方描述他為深膚色男子，身高約六呎三吋、身形瘦削，犯案時身穿黑色連帽衫、黑色長褲、背黑色Champion背囊，腳踏黑色Nike波鞋（帶白色標誌）。

警方相信疑犯單獨行事，正呼籲知情人士提供線索。

（圖：約克區警隊）T15