盧慧敏顏色系列第三擊 由紅白到《綠縈》 自組mini crew 長野周山跑拍MV

盧慧敏（Amy）今年決戰樂壇，繼《Red Flag》和《白牆》之後，新歌《綠縈》MV昨日上架，成為顏色系列第三擊，更自組3人mini crew遠赴日本長野取景，穿過繁華的城市，走到綠油油的山嶺，乘火車遊覽風景，欣賞燦爛煙花。

自組mini crew到日本拍攝

新歌《綠縈》由蘇珮卿作曲、Oscar填詞、Perry Lau編曲及監製，擊中Amy內心深處，所以她決定參與MV拍攝創作團隊。「《綠縈》係由一份我好鍾意嘅歌詞、好鍾意嘅旋律，加埋而成嘅好東西，好開心同好好嘅團隊合作，多謝公司俾我自己去拍去呢一個MV。（拍攝團隊陣容？）我有一個好好嘅朋友，佢就帶埋佢嘅朋友一齊，加埋我就組成呢個mini crew，然後去到日本嘅長野拍攝MV。」Amy認為今次拍攝最困難，並非因人手短缺，「好困難，因為啲地方太靚，好難去揀喺邊個地方拍。」

盧慧敏繼《Red Flag》和《白牆》之後，新歌《綠縈》成為顏色系列第三擊。

她自組3人mini crew遠赴日本長野取景。

MV中的Amy Lo走到綠油油的山嶺。

Amy好鍾意《綠縈》的歌詞及旋律。

Amy認為今次拍攝最困難是因地方太靚。

Amy Lo乘火車遊覽風景。

Amy表示新歌沒有故事可言，純粹為人生其中一個旅程。

希望這首歌和MV，能陪大家走過人生一段路。

紀錄人生其中一個旅程

MV中的Amy跟平時在時裝界、打扮華麗的Amy截然不同，她穿着大地色的tee恤短褲、運動鞋、孭起背囊，手執攝影機，蹲在大石頭上、河流邊、隨性地坐在地上，還在草原木和山坡上奔跑，非常寫意。Amy表示雖然今次MV沒有特別的故事背景，但透過鏡頭表達她的小小心願，她說：「希望大家鍾意呢一個MV，其實冇乜故事可言，純粹係人生其中一個旅程，其中一段路仔嘅紀錄，我希望呢首歌同埋MV，陪大家走過人生嘅一段路仔，裏面嘅一個小小章節。」