《頭文字D》20周年4K修復重映 劉偉強自豪為漆黑山道添生命 感激當年飄移車手搵命搏

劉偉強與麥兆輝經典作品《頭文字D》今年上映20周年，世界各地「頭D迷」（《頭文字D》粉絲暱稱）舉辦不同慶祝活動。香港作為電影的原產地，隆重其事，電影4K修復杜比全景聲9月17日重返大銀幕。劉導讚歎：「好自豪，點解20年前拍到一部咁好睇嘅戲？真係搵命搏！」他坦言不會開拍續集。

劉導回味每一段配樂

劉導自豪地說：「一個日本漫畫嘅故事俾我哋拍，90%香港演員，結果超乎大家嘅想像，20年後睇返都係咁好睇。今次4K修復版，提升畫質比以前嘅版本睇多好多嘢，聲音亦重新調整，感受好唔同，啲聲喺前後左右衝埋嚟，呢個係我最高興嘅效果。」他回味每一段配樂：「由開場，到周杰倫（飾演拓海）贏咗樂仔（余文樂飾演中里毅）⋯⋯每次重睇都好似歎緊老酒，好醇、好好飲！」他透露與星級配樂師陳光榮細仔調整配樂和車廂內外的引擎聲效，配合杜比全景聲後「啲嘢出晒嚟」，感覺好正！

劉偉強經典作品《頭文字D》今年上映20周年。

《頭文字D》4K修復杜比全景聲9月17日重返大銀幕。

劉偉強讚歎：「好自豪，點解20年前拍到一部咁好睇嘅戲？真係搵命搏！」

劉偉強坦言不會開拍續集。

劉偉強指《頭文字D》20年後睇返都係咁好睇。

他又感激當年日本飄移車手搵命搏 。

劉偉強透露與星級配樂師陳光榮細仔調整配樂和車廂內外的引擎聲效。

他指配合杜比全景聲後「啲嘢出晒嚟」，感覺好正！

劉導又自豪指：「一個日本漫畫嘅故事俾我哋拍，90%香港演員。」

當年的周杰倫。

感謝當年一班飄移車手

「無論AE86、GTR、Evanlotion都有性格，我哋冇當佢哋係死物，當佢哋都係有血有肉嘅演員。睇返飛車場面，依家拍唔返，速度感同埋每個人與人之間嘅感情，係我哋團隊嘅驕傲。鏡頭穿過車轆到車廂，座山就拍到有生命嘅一樣，車路就好似血管流動。多謝當年一班日本飄移車手，每個鏡頭都係佢哋好用心、用精湛技術、用生命去同我哋搏返嚟，因為一個唔小心隨時就跌落山崖。」劉導表示每天開工前，工作人員來回山道仔細檢查地面有否碎石，以確保安全。

據悉劉導專挑高危鏡頭親自揸機拍攝？他承認：「因為我知道我自己想點，準確拿捏。」拍攝前，演員要訓練、賽車要改裝，就連「主角」秋明山都妝扮一下，劉導說：「座山完全冇燈，於是我同美術、燈光組一齊研究，用雪糕筒、街燈、廣告牌、圍欄、光管，每一區用唔同嘅燈光效果區分，好似畫龍點睛，為一座黑鼆鼆嘅山添上生命。」