黃淑蔓被影射W姓歌手床功勁阿媽嬲爆 雲浩影美容療程後敏感男友冇安慰

網台節目《情感關注組》日前節目上，有跨性別人士爆W姓女歌手做小三兼床上勾引功力深厚，節目出街後，黃淑蔓（Feanna）即成為網民推測「頭號嫌疑人」，她昨晚（13日）與雲浩影（Cloud）一起出席慈善晚會，對於被指是「W姓女歌手」，她坦言最初也感愕然，收到公司訊息時還以為是自己做錯事：「我聽嘅時候都覺得佢講嘅人幾似我，但嗰單嘢真係完全唔關我事，冇發生過，所以都簡單喺社交媒體度澄清一下，冇做過唔再多講。」

黃淑蔓被屈反安慰媽咪

至於是否八卦所談的女歌手是誰？黃淑蔓笑言不會，同時直言覺得冤枉，始終是女仔，不認識自己的人可能會誤會她，對名聲有影響：「其實都唔開心㗎老實講，最好彩係身邊嘅人都相信我。」雲浩影也指，有問過黃淑蔓是否有得罪人，黃淑蔓自我安慰表示，若對方的幻想對象是自己也覺得開心：「如果真係嘅話，大家諗起唱歌好聽嘅女歌手都會諗起我，我向好方面諗就惟有咁。（屋企人擔心？）媽咪比較含蓄少少，最近出去食飯佢先有突然問我，佢都好嬲啲人點解會咁樣，我有安慰佢。」至於雲浩影日前在社交網站中透露接受完美容療程後敏感，她指最初臉部好痕，但並不算很嚴重，食完藥後情況改善，而因為這兩天要出席活動也有粉絲聚會，要近距離見大家，故也擔心。提到男友T-Ma相處是更近距離，雲浩影說：「我希望有人係鍾意我內在，佢都有問我。（男友點安慰？）自己嘅嘢自己解決，咁大個人。（你點嘅樣佢都鍾意？）我真係唔知，你問吓佢！」

雲浩影指演唱會前推出了新歌《你的損失》，故事描述「被男友拋棄是對方損失」，問是否唱給前度聽？雲浩影說：「又唔好咁講，係一個好好嘅鼓勵自己方法，好多時愛情上我都真係柔弱，反而唔識諗係你的損失咁，所以我覺得都要鼓勵多啲女仔同埋所有受傷嘅人，錯過一個唔愛你嘅人係佢哋嘅損失！」雲浩影9月尾推出新歌《我們還有幾多時間》就是講述一對情侶，不知道雙方可以一齊多久，像倒數，問到是否怕男友覺得是唱給他聽？雲浩影笑言：「如果佢對號入座，咁係佢問題，佢要檢討一下！」黃淑蔓稍後也推新歌，不再是情感題材，笑說：「愛情呢啲嘢不嬲成日喺我身邊，我咁靚女如果冇就好大鑊！」而新歌是以「名次」作為創作方向。

雲浩影（Cloud）、黃淑蔓（Feanna）一起出席慈善晚會。

雲浩影美容療程後敏感，男友沒有安慰。

雲浩影話咁大個人，敏感咁小事自己處理，不用男友擔心。

網台節目《情感關注組》大爆W姓女歌手做小三兼床上勾引功力深厚，黃淑蔓誤中副車成網民推測「頭號嫌疑人」。

雲浩影9月尾出新歌《我們還有幾多時間》，講述情侶關係像倒數。

雲浩影有「仙氣女神」之稱，笑容甜美。

黃淑蔓被影射W姓歌手，床功犀利，她表示阿媽嬲爆。

黃淑蔓被屈，反過來安慰媽咪。

黃淑蔓炫耀美腿。

黃淑蔓稍後也推新歌，以「名次」作為創作方向。