關愛座變批鬥座？網上熱傳有長者搭港鐵坐優先座，全程曬樂悠咭，疑似為求「自保」，目擊者表示：「搭程車都好大壓力。」

關愛座變批鬥座？瘋傳港鐵長者坐優先座全程咁曬樂悠咭 目擊者：好大壓力↓↓↓↓

有網民昨日（9日）在社交平台發照發帖表示：「依家連長者坐優先座都要show張樂悠咭出嚟！香港人搭程車都好大壓力。」

樓主發布的照片看到一名女士坐在優先座，她將手袋放在身前，雙手則拿著一張樂悠咭，該張咭向上揚起。

網民紛紛留言熱議，有網民表示：「呢位女士真係怕咗啲鍾意公審嘅人，OK啊，攞白卡嘅都要show埋出嚟俾人知係殘疾人士，特別係後生嗰啲，一陣又俾人話後生仔、有手有腳喺度坐關愛座。」

網民：學到嘢，無聲勝有聲

有網民認同這樣曬證可避免爭：「有啲拎樂悠咭嘅，個樣似未達標準，未必有人相信...成日俾人查證，我身邊都有呢類型老人家個樣似50歲，身形似40歲。」

有人又大讚這位女士做法：「學到嘢，無聲勝有聲。」有人感同身受表示體諒：「我明呀，真係好大壓力......試過有幾次，被人叫起身。」

不過，有網民則認為多此一舉，語帶嘲諷地說：「下次M痛要show條M巾出嚟」、「使唔使show醫生紙， PT紙......我今日都坐咗（優先座）！」、「病緊唔舒服，要貼醫生紙係額頭/頭頂俾人睇清楚」。

港鐵自2009年起陸續在各條鐵路線的列車車廂內設置優先座，「鼓勵」乘客讓座予有需要人士，包括殘疾、人士、孕婦、長者、手抱嬰孩及不良於行的乘客。據立法會2022年資料，優先座佔每卡車廂座位數目比例約一成。

來源：Threads＠fifilai0822

同場加映：「香港啲優先座對老人家還有效嗎？」帶80歲父北上港女公審東鐵2女不讓座 網揭關鍵謬誤↓↓↓↓