原來視咁的丨譚凱琪「花家姐」上身挑戰演自閉症患者 游嘉欣演腦癱少女被電動輪椅考起

TVB全新正氣劇集《俠醫》，將由今日起，逢周一至五晚8點半翡翠台播映，劇集以中醫師黃天賜教授的傳奇故事為藍本，為了凸顯故事主角凌為民（陳豪飾）濟世為懷的心，及高明專業的醫術，《俠醫》出現了不少特別病患者，包括譚凱琪（Zoie）飾演患有自閉症的羅穎茵，游嘉欣（游游）則飾演患有腦癱的輪椅少女周靜芝，二人的角色都相當有發揮。

每次演出都必定有所突破的Zoie，是次飾演自閉症患者同樣滿是記憶點，不但長期要以特別模式說話、而且很多時候講話都不會望人，為人又有很多堅持和執着，衣着打扮又特別古怪和鮮明。Zoie坦言當初接到這個重任時，有擔心過拿捏不到：「未開始前好大壓力，做落唔係好似，太over又驚太誇張，太冇嘢又驚凸顯唔到個角色，嗰時覺得好有挫敗感，直頭懷疑自己係咪真係唔識演戲，好似所有嘢都要重新嚟過咁、唔識點做。」

Zoie跟張曦雯有不少對手戲。

.Zoie直言今次演患有自閉症，是演技上的大挑戰。

Zoie為今次角色花了不少心機。

至於飾演腦癱少女的游游，劇中除了左手活動能力有所限制，還要全程坐在輪椅上做戲。游游受訪時坦言，這正是角色最大難度之處，而她花最長時間克服的，是角色用以代步的電動輪椅：「我係第一次演行動不便嘅人，個角色因為腦癱影響咗左手活動，變相啲肢體動作演出嚟要好受限制咁。同埋因為我要控制電動輪椅，一開頭我係周圍撞嚟撞去，真係人人見到我都驚，但好彩後尾日子有功，我就變咗做車手。」

急停輪椅難上加難

游游續指除了輪椅速度要保持着跟人行的速度差不多，是其中一難處外，要急停輪椅更是難上加難：「有場我要揸住電動輪椅，好快咁駛到去一個位停低，再有啲感情戲要做；但因為個電動輪椅一快就好難停，同埋停嗰個位又要準確，又要帶住感情去演戲，都幾大挑戰，但都幫助到我成長咗好多。平時見人用電動輪椅活動好自如，但原來電動輪椅係會煞唔切掣，你停時佢仲會有少少向前嘅衝力，你要好準確咁停低，除非係慢駛，或者有啲竅妙，我都揸咗幾次先發現個竅妙。」

游游演腦癱少女，靠輪椅代步。

游游是劇中陳豪其中一個患者。

游游說今次角色令她成長很多。