味千手頭現金高市值七成｜唐牛

港股創近4年新高後又回落，有說因為MSCI指數換馬，部份重磅股有資金流出，令港股午後越跌越急。我就簡單啲從形勢出發，騰訊（700）繼續單天保至尊衝上620元，你總難要佢日日破頂吧，再加上佢兩個唔爭氣嘅兄弟——美團（3690）及阿里巴巴（9988）即將公佈業績，在市場一遍唱淡聲下，影響了市場氣氛。

近7厘股息率不難維持

之前提過嘅盈喜股味千（538）公佈中期業績，營業額升5.9%至8.8億元人民幣，毛利同步升5.9%至6.7億元人民幣，期內扭虧為盈賺2,423萬元人民幣。集團一向冇派中期息習慣，今次亦不例外，最緊要係水頭充足，最新手頭淨現金達18億元，較市值10.5億元高出七成，只要全年業績對辦，近7厘股息率不難維持，甚或更高。

收入增長主要受惠於擴張策略，店舖數目由去年同期575間增至最新的608間，而員工成本佔營業額比率維持在27.4%，反映未有胡亂擴張。每次回吐皆是吸納時機，等待全年埋單收成。

唐牛

fb︰https://www.fb.com/tongcow88

IG︰https://instagram.com/tongcow_88

YouTube︰https://www.youtube.com/channel/UCLwEpfQ6w1d-MUVlAS86QcQ

Threads︰https://www.threads.net/@tongcow_88

本欄逢周一、三刊出