北區清潔工公廁插花激勵失業女 女事主感恩：呢到曾經係我安心之所 網民讚譽全港最靚公廁｜Juicy叮

有網民發現北區公園的公廁內放滿鮮花，出帖表揚負責清潔該公廁的姨姨悉心打理，定期換新花，帖文意外引出有港女留言稱姨姨在該公廁放鮮花，曾為處於失業低潮的她帶來激勵：「見到啲花冇咁難過。」

該港女在失業期間為呃家人「仲有工返」，每日「返工時間」都到公園流連，這公廁內的鮮花為她帶來難得的慰藉。詳情如下：

北區清潔工公廁插花激勵失業女 女事主感恩：呢到曾經係我安心之所 網民讚譽全港最靚公廁↓↓↓↓ 

有網民在社交平台發照發帖表示，在北區公園廁所發現女廁內放了不少鮮花，「每次去北區公園嘅廁所，又靚又乾淨 姨姨定期會換新花，覺得要加佢人工。」

樓主分享的相片可見在洗手區上放著約十多紮鮮花，每紮鮮花均置放花瓶內，鮮花品種驟眼估計包括籃色雛菊及有「天使花」稱號的香彩雀。

有街坊網民又分享相片，指清潔姨姨早前曾擺放虎美蘭，有指虎美蘭可移除有害氣體，特別適合置放洗手間、浴室等位置。

失業女：見到啲花冇咁難過 否則...

網民紛紛指去到公廁見到充滿鮮花，心情亦會因此改善：「睇見有咁多花都好開心」、「廁所靚=心情靚=好生活」。

有曾經歷失業的女網民留言分享表示：「有一段時間失業，呃屋企人仲有工返，成日係呢個公園坐喺度睇書，見到啲花冇咁難過。」

她表示，當時選擇到這裡流連「只因呢度離我屋企有一段距離，曾經係我安心之所，亦都係呢度唸通咗搵咗人幫我，否則我可能已經了結咗自己，我到而家都冇同家人講過呢件事。」

該女網民說現在「又遇到人生第二個起伏」，她說：「老實講句我都開始對自己冇咩期望了，去到呢啲時候只能見步行步。」網民都為她打氣：「不如意嘅事總會過去，加油！」

網民：多謝清潔姨姨同辛苦哂用心

對於這位清潔工悉心裝飾公廁，網民紛紛大讚認為值得表揚，讚譽該公廁可能是全港最美公廁：「原來個廁所咁靚」、「好乾淨，牆上面嘅階磚反晒光」、「可以打1823表揚」、「見到真係畀利士佢」。

網民又稱道清潔姐姐敬業樂業：「樂在其中，加油」、「多謝佢同辛苦哂用心令到個廁所咁舒服同乾淨」。網民又提醒使用者要合力維持公廁衛生：「其實最主要係使用嘅人，真係唔該啲人用公廁就有啲公德心，唔好搞到烏煙瘴氣，辛苦曬啲清潔工人。」

來源：Threads＠kikinggggg、kuritan3325、yan_square

同場加映：真創意！港媽巧用「轉數快」奇招尋銀包失主 連登仔讚爆：真係得香港人先做到咁高質素！↓↓↓↓