譚俊彥面對10歲任性女兒冇晒符︰我有發脾氣 郭柏妍封胞弟「魔音2.0」

譚俊彥、郭柏妍及胡敏芝等今日（25日）到銅鑼灣街頭出席《麻雀樂團》快閃活動，吸引近百途人圍觀，譚俊彥與郭柏妍即場演繹父女相認一幕，又與途人玩麻雀及擲骰遊戲，路過的徐文浩被拉入場一起玩，活動尾聲仲有樂團拉奏《與我常在》。

郭柏妍弟製造噪音唔怕畀鄰居投訴

譚俊彥與郭柏妍「父女檔」受訪，譚俊彥指多謝觀眾「睇得好入戲」，現在出街也有許多人叫他「久哥」。他指父女戲自覺平淡，擔心了很久，尤幸劇迷也喜歡，又笑言相認後要處理女兒的任性問題；同時稱現實中也要面對10歲女兒的任性，她有自己想法，加上太太也有自己想法，譚俊彥︰「我夾喺佢哋中間，只能多溝通。有時位置交換啦！我都會發脾氣，一家人係咁㗎啦！」至於郭柏妍就表示求學時期埋首讀書，不會任性，深感爸爸媽媽工作辛苦，不想加添麻煩，同時爆20歲細佬現在在行為令她「好滴汗」，原來他每天在家中唱歌令她難受，昨晚更唱至凌晨三、四點：「我早排練咗《小幸運》，買咗唱K神器，佢噚日仲同我講︰『家姐係咪要練歌？』咁我都開心嘅，佢有睇套劇。」譚俊彥笑指郭柏妍細佬歌喉比家姐更魔音，而她也有笑細佬，指對方增加了自己的信心，坦言也怕被鄰居投訴：「啲聲好響，靜唔到，好似撻着咗個掣咁，（叫佢參加《聲夢》？）唔想一陣魔音一山還有一山高，等佢練習吓先。」

譚俊彥無奈，面對10歲任性女兒冇晒符。

《麻雀樂團》劇紅現身快閃活動。

譚俊彥好多支持者！

譚俊彥與郭柏妍「父女檔」傾唔停。

譚俊彥話阿女郭柏妍好任性。

酷熱天氣下大玩麻雀遊戲。

郭柏妍派紀念品。

途人排住隊與一眾演員合照。

小朋友好幸福~

郭柏妍晒美腿。

活動尾聲有樂團拉奏《與我常在》。

郭柏妍派福利~

司徒久一角的年長版、年輕版，分別由譚俊彥、廖家爵（圖）分飾。

郭柏妍封胞弟「魔音2.0」。

譚俊彥做夾心人，夾喺妻子、女兒中間，慨嘆左右做人難。

譚俊彥游說李佳芯幫手宣傳不果

譚俊彥透露結局周將有一場「父女」合奏的劇情，由於當時正拍《企業強人》難以分身，故彈琴練足8個月，指該場戲連已故的「媽媽」也會回來聽，頗為煽情。另外，提到李佳芯沒有為該劇宣傳，譚俊彥話可能對方忙，表示她也有在網上宣傳。提到他之前狂游說李佳芯一起宣傳，惟最後不了了之，譚俊彥指不會失望，認為每人有不同軌道。對於有傳她不想做宣傳，譚俊彥就表示外界太多傳言，除非對方親口說，否則不需要過度揣測。