林家謙演唱會丨Gigi梁詠琪任嘉賓即時「追債」承諾交換寫歌贈《矮仔正傳》 回應舞蹈員跌落台底無受傷繼續表演

林家謙《White Summer》演唱會第三晚，迎來另一位重量級嘉賓——天后梁詠琪（Gigi）。兩人不僅同台合唱經典歌曲，更妙語連珠互動，從「心經傳授」到「紅館追債」，再到互贈「矮仔正傳」與「I仔」創作約定，引爆全場笑聲不斷！

Gigi送《無名指》戲票

Gigi一登場便與家謙溫情合唱《某年仲夏》，隨後笑問：「家謙好耐冇見！對上一次已經係一、兩個月前，我哋喺灣仔食飯㗎啦！我好掛住你！不過同你食飯，你都唔係好講嘢……」家謙靦腆笑著回應：「有第三者喺度嘛，所以我少出聲。」Gigi：「但我發現你耳仔一直豎起，吸收姐姐心經囉！哈哈……」接著，Gigi拿出自家主演的新電影《無名指》戲票。家謙即回應：「一張得啦，我一人之境，哈哈！」引發全場大笑。

Gigi一登場便與家謙溫情合唱《某年仲夏》

兩人同台合唱經典歌曲。

Gigi到台下派飛。

昨晚演唱會快歌《隨意門》跳舞環節中，發生了少少意外。

Gigi希望觀眾可以支持香港電影。

家謙叫Gigi唔好着鞋

Gigi突然又「追債」：「上次食飯我同你講，不如你寫多首歌俾我啦，你幾時交歌？」家謙搞笑哀嚎：「紅館變追數現場呀依家！」Gigi乘勢提議「交換歌」：「我有首《高妹正傳》……你想要乜乜正傳？」家謙自嘲：「你串我呀？哈哈……矮仔正傳囉，哈哈哈！」Gigi立馬護航：「你邊矮呀！」家謙卻笑稱：「我搭棚架呀！我叫咗你唔好着高踭鞋……你唔好着鞋最OK！」對話引發全場瘋狂笑聲。Gigi再出奇招：「我諗住寫首《I仔》俾你！」家謙神回應：「I仔咪矮仔囉，哈哈！」Gigi最後更鄭重宣告：「大家聽住啦！矮仔又好，I仔又好，總之大家做證！我哋交換！拍低佢！」

幸好昨晚意外只是有驚無險，沒有影響家謙之後演出。

Gigi在台上突然「追債」：「上次食飯我同你講，不如你寫多首歌俾我啦，你幾時交歌？」

Gigi拿出自家主演的新電影《無名指》戲票。家謙即回應：「一張得啦，我一人之境，哈哈！」引發全場大笑。

Gigi乘勢提議「交換歌」。

二人除了合唱外，妙語連珠互動，引爆全場笑聲不斷！

嚴謹把關升降台操作

昨晚演唱會快歌《隨意門》跳舞環節中，發生了少少意外，當時林家謙正準備透過彈射機關飛躍上台，舞蹈員Eric因與觀眾互動時太過投入，不慎踏中正在下降的升降台洞口，瞬間消失台面返回機關洞內。有觀眾從高空拍下畫面，非常擔心Dancer受傷，事實這個升降台只有三呎，Eric轉頭已經隨即重返舞台並完成整晚演出，並無受傷。製作組強調一直對升降台操作嚴謹把關，感謝各界關心。