陳建興侍候「扭計」黃夏蕙考功力 51歲攻樂壇做新人求夾縫生存丨獨家

51歲「樂壇處男」陳建興（Philip）破格推出首支單曲《一分鐘》，以歌寄意呼籲「愛要及時」。這位中年轉戰幕前的新人，在94歲師姐黃夏蕙（夏蕙BB）的帶領下闖蕩娛樂圈，傳授了最地道的江湖生存智慧，提示要有江湖義氣。不過，BB「反老頑童」的瘋狂行為，Philip坦言都多次被激嬲過！ 　採訪：方騫平 攝影：羅安強 場地：ASOK THAI GARDEN@亞士厘道

年過半百的Philip都想人生好似煙花咁能夠爆得璀璨。

中年新人Philip又乖又聽話。

Philip乜幕前工作都想試下。

年過半百的Philip堅持追夢。

Philip對住反老還童的夏蕙BB要鬥智鬥力。

Philip唔擔心做新人要貼錢打工。

陳建興處男出新歌《一分鐘》，喻意要珍惜，冇及時表白的話就會有遺憾。他表示，時下好多人唔開心，引申到大家可以靜下來諗多一步，就會少咗做傻事。雖然《中年好聲音》被指攏斷市場，但Philip仍然相信可以喺夾縫中生存，間中好似煙花咁爆一爆：「自己係素人要不斷努力學習，期望能繼續生存，好似姜濤咁用作品說話。」

Philip推出處男新歌《一分鐘》，喻意要珍惜。

《一分鐘》其中一個版本的MV有夏蕙BB份。

Philip和音樂監製黃耀芹同框。

Philip處男錄歌有點戰戰兢兢。

Philip年輕時外表都過得去。

楊峰和Philip都傾得埋。

Philip 3年多前由文職轉做藝人，加入娛樂圈全因為天時、地利、人和：「嗰次去朋友gathering認識黃夏蕙經理人Simon，佢追問我『有冇興趣做下幕前？』哈！最初我仲以為係街頭騙案。咁啱市道唔好，𠵱家冇做份正職（文職），藝人就當成副業。」問到做藝人要否帶錢打工？他慶幸說：「暫時唔使，哈！Simon話睇下市場反應。」

去年Philip在新光戲院為《珍惜友情音樂會》演出。

Philip會湊仔住老人家盧海鵬。

陳建興要學姜濤用作品說話。

曾被眼望望質疑係乜水

自簽下Simon旗下的網台GOOD SHOWTV後，Philip率先先主持節目《飛越平淡》，探訪不同的罕見病患者：「從中啟發到我哋行得食得走得已好好。」談到作為素人，在圈中可有遇過難堪事？他卻說沒有，但都感受過被眼望望：「啲人好似喺度問『你係邊位呀？』幸而因為貼身照顧住黃夏蕙，唔會有人鬆踭嘅！」然而夏蕙BB經常扭計及失控行為令他無可奈何：「佢太爛玩，就算有嘢做都懶死唔走，要邊哄邊拉佢走；佢間中又會『跳掣』，反老頑童亂噏嘢，試過唔理我提示，撥開我隻手喝話『你知乜呀！』」不過，夏蕙BB有傳授寶貴的人生智慧及錦囊：「佢話唔好怕蝕底，要有義氣。」

Philip關心罕見病患者。

去年在BB生日會上一齊扮青蛇。

少男Philip，當年跟「學生情人」劉小慧合照時怕怕醜醜。

Philip和薛家燕齊拍嘢。

Philip、周吉佩工作上碰頭。

跟「大王」安德尊合照。

Philip、賈思樂都老友。