反常？一家住公屋48年港男交還政府 原因揭盅網民激讚叻仔 事主：做返個有公德心嘅市民｜Juicy叮

公屋輪候爭崩頭之際，有港男卻在社交平台發帖「反常」表示，自己一家兩代人在屯門公屋住了48年，近日終退租歸還政府，他「感謝依個養大我嘅地方」並透露了交還公屋的原因，掀起網民熱議。

反常？一家住公屋48年港男交還政府 原因揭盅網民激讚叻仔 事主：做返個有公德心嘅市民↓↓↓↓

有港男在社交平台發帖表示：「阿爸阿媽間公屋住咗40幾年，我都係度住咗20幾年......依家終於都交返俾政府。」他附有清空公屋居所的照片，看到已將私人物品裝好多個紙箱，並已還原公屋單位準備搬走的情況。

樓主在帖中具體表示：「問返阿媽都已經（住）48年啦。」「（由）新建成住到依家啦」，「雖然周圍都爛哂，都有d唔多捨得，感謝依個養大我嘅地方。」他多次感恩地表示：「真心多謝依個公屋地方。」「公屋都幫咗好多人。」

「好多香港人既寫照，大個咗努力搵錢自置物業」

樓主透露所住公屋在屯門，屬「舊式一字型」公屋，他約「廿年前整過一次嚟」，之後未有再裝修單位。

對於搬走原因，樓主解釋是因為「買咗個單位俾父母養老」，該單位是私樓，他謙虛地表示，住公屋多年現可買樓搬走，是「好多香港人既寫照，大個咗努力搵錢自置物業」。有網民指「私樓要俾貴管理費又要差餉地税」，擔心樓主父母搬私樓後開支大增，但樓主強調：「咁緊係俾埋啦。」會代父母支付有關開支。

不少網民大讚樓主孝順和叻仔，又欣賞他懂感恩和「放返間公屋幫助有需要的人」，樓主表示自己只是「做返個有公德心既市民啫」。

網民：「肯交返公屋有幾多個？」

有網民慨嘆：「肯交返公屋有幾多個？」樓主說：「自己都享受左咁多年，唔左算右算啦。」

有網民又認為「而家的人只有愈大愈自私」，其實「有能力搬離公屋總好過成世住公屋」，樓主亦謂：「係啦，（公屋）俾返其他有需要既人。」有網民受樓主影響誓言「如果我賺到錢，一定買我屋苑嘅三房俾我父母住」，樓主亦鼓勵他：「咁努力搵錢啦。」

樓主又緬懷在公屋度過的數十年歲月，認為「以前鄰里關係好好多」，「依家公屋都比以前冷漠咗」，「以前氣氛確實係熱鬧d」，「我細個都係咁出冷巷玩，以前好多細路，依家就變咗老人邨。」

他又懷念「細個冇冷氣就打開哂門瞓」，「以前真係常見係樓梯口打麻雀」，「碌架床就公屋必備既傢私」。他由「周圍d鄰居由一家幾口香港人，搬到八成都係新移民」，「阿媽都話鄰居講普通話，見到都係點下頭，傾唔到計。」樓主強調：「人生就係咁，要學識捨棄，不過偶爾會返黎睇下。」

來源：Threads＠jesse_tablet

同場加映：派東涌公屋嫌遠？公屋男住5年東涌全改觀 提5點完勝他區：住落真係唔想走↓↓↓↓