張家輝叮嚀曾展望︰咪掛住溝女 拍劇集《芻狗之血》撼TVB 跳唱迴響大心癢想開騷

網絡上流傳張家輝「爭的士」片段引來熱話，實為網約車平台拍廣告，昨日他出席記招，獻唱改編自名曲《誰是大英雄》的廣告歌。家輝稱拍短短幾分鐘廣告要打功夫，動作多，惟近年拍戲少打，笑說︰「甄子丹差唔多追到我啦！」；另外又要唱歌，文武全才，問到可覺樂壇欠他交代？家輝說：「交咩待呀！我呢啲自己口痕唱歌，樂壇嗰啲交返畀古生（古天樂）拎多次。（可能今年係你呢？）唔使啦！」

苗僑偉誇張家輝跳唱精彩

對於在陳慧琳演唱會任嘉賓跳唱《眼睛想旅行》，觀眾大讚。家輝事前在網上找來有趣舞步，認真練8堂，既要記歌詞又配合舞步，跳到抽筋，估不到歌迷嚷著Encore。他說：「苗僑偉（三哥）打嚟，其實好多年無聯絡，佢話好精彩，好好笑，三嫂（戚美珍）錄音話三哥係咁睇，仲逼佢睇咗半個鐘。」當提議他開演唱會，家輝笑說：「開就唔止一場啦！千幾蚊都收到呀張飛！如果真係有呢件事，希望有啲創意。（首先要儲歌？）儲唔到啦！儲得嚟到80歲！最緊要條橋有娛樂性。」提到早前他與太太關詠荷欣賞夏韶聲演唱會，網民大讚關詠荷靚。家輝笑說：「麻麻啦！以呢個歲數嚟講係標青，好難Keep！要Keep我多啲，襯番佢。」

對於相隔19年再拍電視劇《芻狗之血》，提到該劇於ViuTV播映，跟娘家TVB打對台，家輝說：「唔係我簽約範圍嚟嘅，賣畀邊個我冇辦法控制。（再同胡杏兒合作）幾好！之前拍電影《失戀急讓》，佢演過我女朋友，同埋我做歌手時，佢做過MV女主角。」對於可會開拍《贖夢》續集？家輝笑言要睇票房總數如何，若然開拍也想突破恐怖片框架。

活動上張家輝耍功夫。

張家輝與胡杏兒拍攝的劇集《芻狗之血》將在Viu TV播放。

張家輝有歌癮，開騷的話，「開就唔止一場啦！」

上月陳慧琳邀請影帝張家輝登台，合唱經典歌曲《眼睛想旅行》。

張家輝在記招上獻唱改編自名曲《誰是大英雄》的廣告歌。

張家輝跳唱迴響大，心癢想開騷。

張家輝相隔19年再拍電視劇《芻狗之血》，並在Viu TV播放，跟娘家TVB打對台。

活動上，張家輝為大批Fans簽名。

張家輝與支持者合照。

張家輝都覺得曾展望有啲似自己。

曾展望被封「張家輝2.0」。

曾展望在《女神配對計劃》力追葉蒨文，引起熱議。

張家輝戲言曾展望改藝名林子祥

另外，TVB藝員曾展望被網民指跟他似樣，封為「張家輝2.0」。當家輝從記者口中得知曾展望參加《女神配對計劃》，他說：「《女神配對計劃》要參加，可以『哄』到好埋喎！」其後家輝睇過曾展望的相片，或可演他的年輕版，他說：「好！希望可以多啲合作交流，呢樣係我喜歡做嘅事，好似《贖夢》拍劉俊謙都幾吸引呀！（曾展望個樣似你？）有啲似，我以前後生都幾靚仔，嘭嘭聲！撞牆、跳海乜都肯做。」家輝隨即向鏡頭說：「繼續努力，曾展望！唔好淨係溝女。」談到他是否看好曾展望成功追求葉蒨文？張家輝即問：「林子祥老婆！」記者解釋是同名字的另一女藝人，家輝笑問曾展望可有需瓖改藝名叫林子祥。