星光熠熠耀保良｜李克勤將陪大仔到外國升學兼安頓 不擔心交外籍女友：呢啲管唔到 否認為炎明熹鋪路轉簽新公司

《星光熠熠耀保良》昨晚（9日）於香港會議展覽中心隆重舉行，保良局主席李何芷韻、一眾副主席、總理及顧問蔡李惠莉等出席，嘉賓陣容強勁，李克勤打頭陣演出，一連唱出《一生不變》及《失魂記》，陳曉東與二胡演奏家霍世潔跨界合作歌曲《一萬年》及《愛你躲你》，還有一班《中年好聲音》歌手張與辰、譚輝智、古淖文，以及姚焯菲、鍾柔美及詹天文等獻唱，讓觀眾大飽耳褔。

掛念香港樂迷

李克勤昨晚為《星光熠熠耀保良》任嘉賓。

李克勤打頭陣演出，一連唱出《一生不變》及《失魂記》。

現場播放克勤的舊演出片段。

李克勤透露今年大仔會到海外升學，盡量少接內地大型節目。

許靖韻、李克勤

會否唔捨得大仔到海外升學？克勤說：「男仔捱下啦！」

克勤否認為炎明熹鋪路轉簽新公司。

保良局主席李何芷韻（左）及保良局顧問蔡李惠莉（右）。

陳曉東與二胡演奏家霍世潔跨界合作歌曲《一萬年》及《愛你躲你》。

張與辰

關心妍

李克勤坦言很久未有參與TVB節目，上一次巳經是《聲夢傳奇》，下午綵排時有點緊張，但見到一班幕後熟悉面孔感覺好開心，近年自己的工作重心在內地，較少在香港，亦很掛住香港樂迷。他說：「我好留意TVB節目，如《中年好聲音》、《聲秀》同《東張西望》嘅踢腳姐。」

為囝囝升學而減產

李克勤透露今年大仔會到海外升學，自己盡量少接內地大型節目：「大仔放埋暑假就去讀書，我會陪佢過去，等佢settle down我先返香港。（會否唔捨得？）男仔捱下啦！唔好以為喺香港咁幸福，覺得去第二度讀書，除咗課本以外，我覺得學做人緊要啲。（太太會否逗留當地陪個仔？）唔會，佢唔使照顧我呀！佢哋都大，其實我哋唔放心啫。」問到會否預備附屬卡給個仔？李克勤笑言不會給太多錢，反而要佢捱下。再問會否擔心大仔帶個外籍女友返來？他笑說：「呢啲管唔到，佢要為國爭光的話，呢個係佢嘅將來生活。

沒有向炎明熹給予意見

有指他為炎明熹鋪路轉簽新公司，李克勤反問：「點會？我哋唔同公司，只可以話《聲夢傳奇》係一個大家庭，剛才見到chantel、Yumi都有聚下，見到佢哋喺大騷演出有進步，又越來越靚，其實我好開心，反而炎明熹好少見，間中會短訊，我不嬲唔會參與佢哋前途上嘅嘢，因為每個人都有自己嘅路要行。（炎明熹有冇問你意見？）無！呢段時間無，所以唔關我事。」