關智斌等足6年騷胸肌谷演唱會︰希望賣多二百張飛啦 霆鋒祖兒Twins轉發力撐

等足6年，關智斌（Kenny）終於再舉行個人演唱會《The Endless Adventure Live in Hong Kong》，這次選址啟德體藝館，將於9月26及27日一連兩場舉行。

關智斌波罅被影唔尷尬

Kenny自爆拍攝海報時全場焦點都落在他的胸肌，笑言：「成個團隊對住我波罅影相，好彩我有操開！」演唱會以「小飛俠Peter Pan」為概念，Kenny解構：「細個已經好鍾意睇呢套卡通片，不過今次我唔係扮Peter Pan，而係用勇闖冒險島嘅精神，講成長嘅矛盾同掙扎。」而海報造型原來暗藏玄機，綠色撕裂衫的一邊代表Peter Pan，另一邊就似邪惡船長Captain Hook，「好似正義同邪惡喺我身上開戰，打到衫都撕爛埋。」講到服裝咁性感，Kenny鬼馬表示：「為咗賣飛吖嘛！點都（露）少少啦。」又笑言：「希望咁樣可以幫到百零、二百張飛啦，咁就功德無量㗎嘞！」Kenny直認最近操得好fit，除了為演唱會，亦因為早前要參加健身比賽，隨後又大爆拍攝海報期間的趣事，「因為件衫開胸，我成個團隊無論目光定相機，全部都對住我波罅，好彩我有操開，都見得吓人，唔使尷尬。」

不少網民都將焦點落在Kenny張「暴乳」海報上，連AK@MIRROR都忍唔住留言：「收返埋個八字，唔好亂咁畀人睇！」DJ梁文禮更搞笑稱：「豪乳警報。」公司一班兄弟姊妹包括謝霆鋒、容祖兒、蔡卓妍、鍾欣潼、李幸倪、泳兒等，都紛紛於自己社交平台轉發演唱會消息，落力支持Kenny。Kenny指《The Endless Adventure》不僅是一場演出，更是一段成長路上不斷冒險探索的旅程，要有面對無常世界的勇氣，「個show會有好多跳舞部分，rundown精采到我自己都睇咗十次，保證唔會悶親大家。」

Kenny拍攝海報時，全場焦點都落在他的胸肌上。

Kenny笑言：「成個團隊對住我波罅影相，好彩我有操開！」

AK（江𤒹生）留言︰「唔好亂咁畀人睇！」

演唱會以「小飛俠Peter Pan」為概念，Kenny解構：「用勇闖冒險島嘅精神，講成長嘅矛盾同掙扎。」

等足6年，Kenny終於再舉行個人演唱會《The Endless Adventure Live in Hong Kong》。

Kenny早前參加健身比賽，操得好fit。

Kenny選址啟德體藝館，演唱會將於9月26及27日一連兩場舉行。

蔡卓妍在社交網轉發Kenny舉辦演唱會的好消息。

Kenny早前參加健身比賽，操得好fit。

容祖兒在社交平岩轉發Kenny演唱會消息。

謝霆鋒在社交網轉發Kenny舉辦演唱會的好消息。

泳兒在社交平岩轉發Kenny演唱會消息。

焦點落在Kenny張「暴乳」海報上，DJ梁文禮搞笑稱：「豪乳警報。」

阿嬌在社交網轉發Kenny舉辦演唱會的好消息。

Gin Lee在社交網轉發Kenny舉辦演唱會的好消息。