芯駖@COLLAR新歌《POSH》借揸車比喻戰勝心魔 為MV性感造型落力減肥

COLLAR成員李芯駖（Sumling）去年單飛出歌，先後推出《SPYLING》與《讓思憶症發作》後，昨日再推出個人跳唱單曲《POSH》，以揸車為主題，節奏澎湃；而特別之處，除了編舞上專誠邀請日本排舞師之外，MV造型更是單飛的三首歌之中，最性感一次。

芯駖媽咪狂loop《讓思憶症發作》

Sumling明言《POSH》的感覺像度身訂造，「第一次聽首歌，就感覺好似揸車咁。我最近考完車牌，好想從揸車中帶出自己想法：『揸車對我嚟講係一件幾有趣嘅事，點解我咁遲先考車呢？因為我覺得自己唔適合揸車，學車師傅話我揸得幾好，原來我一直畀自己嘅恐懼打敗』，我想透過呢件事，反映日常生活有啲嘢，我哋係自己打敗自己，未試過就話唔得，原來試咗之後係OK嘅。」《POSH》舞蹈上比較特別：「搵咗日本排舞導師編舞，佢係一個好出色嘅老師，我成日喺IG睇佢啲片，邀請到佢我非常開心，亦好多謝製作團隊幫我實現呢個夢想。」猶記得《SPYLING》性感間諜造型，芯駖表示這次MV內造型比之前更性感，更少布：「當我知道造型比上次性感，我就落力減肥。而家我嘅體脂比之前再低咗，因為之前拍團綜，然後做舞台劇，跟住就錄歌排舞拍MV，冇乜放鬆狀態。」

芯駖大爆媽咪在家中長期loop她過去的兩首作品，成為她的流量擔當：「媽咪都有嚟睇我做舞台劇（《你好，打劫！Reunion》），佢睇完淨係話『你都好辛苦，冇得抖，打呢份工真係好辛苦』，媽咪最擔心都係子女健康。」

芯駖新歌《POSH》借揸車比喻戰勝心魔。

呢架法拉利，郭嘉駿（193@ERROR）今年第二首個人單曲《I Just Wanna Dance》MV都出現過。

芯駖踢爆媽咪是自己的流量擔當。

芯駖想成為性感擔當？

8月29日，COLLAR迎來第二次演唱會，芯駖希望當晚首次演繹《POSH》。 

芯駖坦言受COLLAR成員影響而考車牌。

芯駖考車1 take pass

提到COLLAR成員陸續考車牌，問芯駖決心考牌是否受其他成員影響？她表示：「有少少，Gao係第一個考車牌，我冇諗過自己可以1 take pass，覺得自己冇乜方向感，揸落車先知自己好鍾意揸車，喺車入面好有me time感覺。」至於8月29日迎來COLLAR第二次演唱會，芯駖希望可以在演唱會當晚首次現場演繹《POSH》。