執法者們丨黃宗澤被蔡潔質問帶「戴祖儀」睇G-Dragon 歎不爭氣收視未達標不用錫對方腳 將第9次合作首嘗做律師滋味

黃宗澤（Bosco）、蔡潔、陳豪、陳瀅、馬國明等今晚（25日）出席《執法者們》大結局晚宴，曾揚言收視獲得30點會親吻拍檔蔡潔的右腿的Bosco，笑言不爭氣未達到30點收視，所以不能錫對方。蔡潔即說：「續集囉！可以以孖生姊妹身份復活。」不過Bosco表示跟蔡潔將會在新劇《風華背後》第九次合作，但今次並非演一對，反而有少少對立，又笑謂睇完劇本有少少嬲，因為蔡潔戲中要被人摸，自己就無份。蔡潔聞言即說：「我未睇劇本，唔知會被人摸。」談到新戲的角色，Bosco笑言入行以來終於輪到他首次演律師角色，又毋需要打，但是對白很長，加上很多專業名詞，正想辦法如何記對白。

曾揚言收視獲得30點會親吻拍檔蔡潔的右腿的Bosco，笑言不爭氣未達到30點收視。

談到新戲的角色，Bosco笑言入行以來終於輪到他首次演律師角色。

蔡潔說：「續集囉！可以以孖生姊妹身份復活。」

Bosco表示跟蔡潔將會在新劇《風華背後》第九次合作。

但今次並非演一對，反而有少少對立。

Bosco笑謂睇完劇本有少少嬲，因為蔡潔戲中要被人摸，自己就無份。

蔡潔聞言即說：「我未睇劇本，唔知會被人摸。」

Bosco寧帶女友睇Kenny .G不睇G-Dragon

另外，提到Bosco在馬來西亞被拍與跟女伴欣賞G-Dragon演唱會，他笑說：「後面有十幾人，淨係框住影我哋！邊有人咁蠢帶女仔睇演唱會，嗰度成萬觀眾，起碼有七千個女仔，我哋十幾個朋友去睇，因為識主辦方，嗰個女仔係普通朋友。」問到蔡潔是否滿意Bosco的解釋，蔡潔笑說：「關我咩事！」Bosco即爆蔡潔傳訊息給他，問為何帶戴祖儀睇騷。他說：「佢話同戴祖儀睇騷，都唔同我睇！」蔡潔即解釋身邊朋友也認同很似戴祖儀，Bocso搭嘴說：「如果係蔡潔好啲嘅。」Bosco笑言若然有女友的話，會帶對方欣賞安靜演唱會。他說：「係睇Kenny .G，而唔係G-Dragon。（如女友喜歡G-Dragon呢？）咪買張飛佢自己去睇囉！」Bosco又指當日睇G-Dragon演唱會猶如盛事，談到他當時可有練舞技？他說：「樂壇同舞壇都唔屬於我，我都係返嚟影壇！嗰啲交返畀林峯，搞返張櫈。」

Bosco爆蔡潔傳訊息給他，問為何帶戴祖儀睇騷。

三個主角都有出席。

Bosco說：「佢話同戴祖儀睇騷，都唔同我睇！」蔡潔即解釋身邊朋友也認同很似戴祖儀。

一眾演員出席《執法者們》大結局晚宴。

蔡潔在台上分享感受。

一眾演員都很滿意今次劇集成績。

Bosco在馬來西亞被拍與跟女伴欣賞G-Dragon演唱會。