BIG FOUR倒數兩周開騷 蘇永康認四子秘練絕技 梁漢文笑張衞健跳「林峯櫈」變沙甸魚

由BIG FOUR成員張衞健（Dicky）、許志安、蘇永康和梁漢文（Edmond）即將在八月九至十一日於紅館舉行一連三場「BIG FOUR HAPPY TO SEE YOU ALL演唱會2025」門票已全部售罄。倒數兩個星期開騷，BIG FOUR成員張衞健（Dicky）、許志安、蘇永康和梁漢文（Edmond）密鑼緊鼓，跟Alan Mak舞蹈團隊綵排和練歌，為演唱會做好準備。

預告演唱會有大驚喜

Edmond笑言：「一定唔可以忘記有人要練蜈蚣彈同埋林峯櫈……」眾人即追問Dicky練習進度如何？他說：「使唔使用2000幾呎排舞室嚟練？（要！）你畀個廁所我練吓就得架啦！」Edmond對他甚有期望說：「你要做三十幾吓，成條沙甸魚咁，幅度動作大過林峯好多！」安仔突然爆料：「聽講你訂造咗張櫈！」Dicky不否認，但表演甚麼就大賣關子，笑說：「係訂咗張櫈，但唔係姓林，係姓張 ！今次擔保鍾意BIG FOUR嘅朋友，即使以前睇過我哋表演，都一定未見過我哋咁做，亦唔會諗到我哋會咁樣做。」他預告大驚喜，還笑言叫人上網撲飛，安仔和蘇永康立即提醒他門票早已售罄！

張衞健、許志安、蘇永康和梁漢文即將在八月九至十一日於紅館舉行一連三場演唱會門票已全部售罄。

4子與舞蹈團隊綵排和練歌。

4子大爆Dicky訂咗「林峯櫈」。

4子表示擔保鍾意BIG FOUR的朋友一定有驚喜！

Dicky笑言叫人上網撲飛，安仔和蘇永康立即提醒他門票早已售罄！

Dicky努力練舞！

好有型啊！

唔知Dicky嘅「林峯櫈」練成點呢！

許志安

梁漢文

今次BIG FOUR肯定唱爆和笑爆紅館。

4子花不少時間練樂器

蘇永康透露：「今次我哋四個會一齊做一個樂器演出，大家都花咗唔少時間去排練，Dicky真係付出好大努力，事實上呢部分，佢自己都好期待。」Dicky揚言：「係，光宗耀祖就靠呢一part！」之前BIG FOUR試過兩次在台上夾Band，分別在BIG FOUR演唱會和安仔個唱上表演，Edmond說：「今次延續返個傳統，但肯定同之前表演好唔同。」四子越練越弗，會否騷肌派福利？安仔表示不一定性感，但造型特別。Dicky笑言建議安仔着旗袍唱《喜歡你是你》，Edmond加入爆笑戰團：「開衩高到上腰！」他們一碰頭就連場笑料，今次肯定唱爆和笑爆紅館。