劉洋、李金凱為8.16麥花臣演唱會改名：劉金歲月 King尊重釗峰唔過問感情事

劉洋與李金凱昨晚（22日）到主題樂園出席電影《神奇4俠：英雄第一步》首映禮，劉洋到場後見到「石頭人」後表現興奮，不過又被金凱笑他其實是想找石頭人「幹一架」，但劉洋就笑言幹不過，會被打死，提議他繼技安及陸小鳳後下次可扮石頭人，劉洋就指自己性格嚮往自由，所以比較想做火烈鳥，反而金凱就指自己想做石頭人。

演唱會中會再扮嘢

劉洋與李金凱到主題樂園出席電影《神奇4俠：英雄第一步》首映禮。

對於剛完成「中3」演唱會，兩人希望有part 2。

兩人透露將會在8月16日於麥花臣開騷。

C AllStar另一成員King被問到是否有關心釗峰感情事。

King表示有跟釗峰聯絡，望大家給予對方時間。

被問會唔會多啲關心釗峰？King指會約佢打波、行山。

King覺得釗峰現在正是調整的狀態，望大家能夠給予空間。

對於剛完成「中3」演唱會，兩人希望有part 2，又透露將會在8月16日於麥花臣開騷，不過金凱指演唱會名稱仍然未定：「有兩個組合名字，一個係「凱洋」，一個係「劉金歲月」。」問到他們喜歡哪一個多點，劉洋表示覺得兩個都不錯，不過金凱則認為「劉金歲月」會通順點，因為普通話「凱洋」不成立。提到兩人是CP應該要改一個組合名字，金凱就一臉不願意，但他解釋不是不願意：「有緣份，我們會想到一個很不錯的名字，也許未來有一天他（劉洋）已經過氣，我已經涼半截，我們可以組一個組合再出道。」兩人又指演唱會中會再扮嘢，有機會的話也會將上次取消的「互傳訊息」環節重現，金凱說：「好多人都好好奇我哋生活係點，好多人好好奇，所以我哋就諗個辦法做出嚟，（你會唔會唔開心？）唔會，都係正常人諗法。」

釗峰沒有找隊友訴苦

C AllStar主音梁釗峰早前因疑似另結新歡而與拍拖4年半化妝師女友「Karen」分手，事後釗峰更指自己曾想過輕生一走了之。C AllStar另一成員King（吳崇銘）昨晚出席首映禮，被問到是否有關心對方？King表示有跟釗峰聯絡，望大家給予對方時間：「我諗佢都需要啲時間去匿埋一陣，（會唔會多啲關心佢？）會約佢打波、行山，（佢而家有冇拍拖？）從來都唔會好問佢啲感情事，我哋都會好尊重對方平時嘅私隱，（有冇搵你訴苦？）冇，真係冇。」King覺得釗峰現在正是調整的狀態，希望大家能夠給予空間。