六旬男醫生涉非禮護士 事主庭上哭訴遭摸胸 「每次諗返嗰段回憶我都好辛苦，我唔想再諗起」

六旬男醫生2020年3月涉嫌在尖沙嘴海港城停車場非禮其私人診所護士，伸手摸胸，案件今日於九龍城裁判法院重審，事主憶述登上被告私家車後座時，被告烏身入內，「由我隻腳下面一手伸咗入我件衫度、我左邊胸部，不斷撫摸」。事主再次回憶案發過程時啜泣不止，哭稱「因為我每次諗返嗰段回憶我都好辛苦，我唔想再諗起⋯⋯」

事主稱視被告為長輩應邀共膳

被告關國安被控於2020年3月14日在尖沙嘴海運大廈停車場及其私家車MB3819內猥褻侵犯女子X。事主X供稱現年27歲，案發時21歲，由於情緒受困，讀至中五輟學，自2017年起於被告診所任職，擔任診所助護，負責收集排版、處理預約登記及配藥。事主交代雖然被告曾多次邀約，但案發當日自己才首次與被告單獨用膳，當時「當佢長輩咁，冇其他目的」，或將討論加薪。

車內突遭被告拖手不懂反應

案發當日星期六，事主下班後乘坐被告七人車前往尖沙咀海港城午膳，由於念及自己身份僅僅朋友或客人，故登車時乘坐在駕駛座後方，「想保持一個距離」。事主指到埗後，甫下車「醫生佢突然拖住我隻手，我想揈開，但係佢捉得我好實」，事主當時「呆咗」、「一片空白」，由於無法掙脫不懂反應，遂開玩笑指「你係咪當我女呀⋯⋯」被告回應指「一半一半啦」。

被告提出資助事主入讀仁安護理課程

用膳期間事主提及考慮進修仁安醫院護理課程，惟學費高昂，被告知悉事主雙親均為長期病患者，依賴事主作為經濟支柱，事主憶述當時被告眼神不懷好意，令事主「覺得好唔舒服」，被告揚言「只要你想我可以資助你去讀嘅」，又指有辦法助事主入讀仁安課程，可以幫助事主完成功課，更指此前「識落身邊女仔都係咁樣幫佢入去做護士」。事主聞言「畀唔到咩反應佢，我呆咗」。

邊伸手摸胸邊稱「我控制唔到」

膳後2人原路折返，事主坐上駕駛座後座後，一旁被告在車外「半個身烏咗入車廂」。回憶及此，事主啜泣不止，哭稱「因為我每次諗返嗰段回憶我都好辛苦，我唔想再諗起⋯⋯」稍事休息後，事主續指當時被告「哄到我好埋，想拉開我口罩。我好驚，我嗰下又係呆咗。有隻手摸住我左邊個胸⋯⋯佢又繼續⋯⋯我嗰下好驚，我成個人僵硬咗，我問佢『醫生喺度做乜嘢？』佢由我隻腳下面一手伸咗入我件衫度、我左邊胸部，不斷撫摸，摸咗大約1分鐘左右」，被告當時稱「我失控，我失控，我控制唔到」。

事主稱因事件打擊事後要服抑鬱症藥物

事主坦言「我唔知點解佢要咁樣對我，一路以來我都覺得佢係好好嘅醫生，對病人又好對我哋又好，今次過程對我打擊好大」，然而事後被告若無其事般載事主回到大圍住所。下車後事主「成個人空白一片，好驚、好想嘔」，回家後向母親申訴。惟事主沒有即時報警，服用抑鬱症藥物入眠數小時，醒來便到警署報案。

案件編號：KCCC790/2024

法庭記者：陳子豪