鍾嘉欣惠州個唱晒白滑美腿魅力四射 陳展鵬帶埋老婆單文柔捧場 相隔10年再同台合唱

鍾嘉欣（Linda）「Remember記得‧鍾嘉欣演唱會」繼廣州、佛山及深圳後，昨晚的第四站唱到惠州，雖然Linda第一次到訪惠州，但觀眾對她並不陌生，而且全場爆滿，反應熱烈，難怪Linda大叫感動。

鍾嘉欣陳展鵬拍《巨輪》傳緋聞

全晚高潮，莫過於嘉賓陳展鵬與Linda合唱《都是你的錯》。Linda與陳展鵬主演的經典劇集《巨輪》，2013年開播贏得收視口碑，成為一時話題，兩位主角相隔多年再次踏上舞台合作，即掀起回憶殺，Linda表示︰「其實我對上一次同展鵬喺台上合唱，係大概10年前喺美國登台，之後大家就冇再見過面。」她透露再次跟陳展鵬合作，勾起不少合作《巨輪》時的回憶，大讚對方是非常認真、心思細密的演員，是她其中一個非常欣賞的人：「初認識展鵬時，覺得佢好似張學友『mix』Superman，張學友係一個我好欣賞歌手，所以我今次點歌，希望展鵬可以唱一首學友嘅歌，展鵬好好，佢真係應我要要求唱學友嘅《真情流露》。」

至於為何會邀請陳展鵬做嘉賓？Linda指：「同展鵬曾經合作過《巨輪》，好有CP值，好想畀番觀眾一個回憶，同埋我覺得展鵬唱歌好好聽。」當Linda邀請他時，陳展鵬亦很快一口答覆，Linda說：「展鵬永遠都有一種好親切感覺，佢好有心，好多謝佢，而且佢仲同我夾唱咩歌好，好有誠意，我哋最後揀咗《都是你的錯》，我哋覺得觀眾估唔到我哋會唱呢首歌，會帶出驚喜畀觀眾。」

Linda邀陳展鵬擔任演唱會嘉賓，相隔10年再同台。

Linda穿上華麗服裝演唱。

全晚高潮，莫過於嘉賓陳展鵬與Linda合唱《都是你的錯》。

陳展鵬太太單文柔都有來捧Linda場。

Linda馬不停蹄，8月中舉行中山個唱。

陳展鵬唱張學友《真情流露》。

Linda演唱會主題以心靈雞湯為出發點。

Linda表示今年是她的「音樂年」。

Linda晒腿勁歌熱舞。

陳展鵬、鍾嘉欣拍《巨輪》時被傳戲假情真。

《巨輪》劇照

鍾嘉欣8月中辦中山個唱

Linda續說除了今次合作之外，都好期望與陳展鵬再拍檔演戲。此外，Linda 8月中到中山舉行第五站個唱，她形容今年是豐收的一年：「今年係音樂年，工作上，做到好多新嘗試，亦做到好多自己鍾意做嘅事情，真係好感恩；嚟緊我會出幾首新歌，主題都係醫治心靈作用，只要能夠帶到力量畀人，我都會繼續做，簡簡單單做好每日工作，珍惜每次機會，就係現時我嘅生活。」