雲浩影處女騷VIP票價高達1,500元：我都控制唔到 跟韓星張元英撞樣感愕然 陳柏宇自封「跳吓」歌手？

陳柏宇與雲浩影等今日（14日）到馬鞍山出席慈善活動，雲浩影在活動中指經常被同事叫佢睇醫生，受訪時她指去台灣拍MV時病倒，現在康復中，問到愛情也不能滋潤她？雲浩影即說：「維他命C較有用，（愛情能醫百病！）未聽過。」至於音樂人男友T-Ma是否因她生病感肉痛？她說：「正常，大家都會生病。（有冇照顧你？）都係買藥，不過我唔聽話，我唔鍾意睇醫生，當時又做緊嘢，所以買住啲藥頂住先。」

雲浩影獲男友幫忙練歌

雲浩影下月頭將會在麥花臣場館開處女騷，她指現在綵排如火如荼，不過因病未完全康復，所以會盡快調理條氣，對於其演唱會VIP票價高達1,500元，比師姐鄧麗欣及師兄馮允謙的紅館騷更貴，更令她成為該場館門票最貴的香港歌手，雲浩影指票價由公司決定，但自己也曾跟公司反映：「我有睇到大家意見，我都控制唔到，（啲飛貴過師兄師姐！）我哋有一對一合照福利，唯有喺演唱會度畀多啲技能畀大家啦，令大家感覺回本啦，會𠱁到大家好開心 。」至於是什麼技能，她就指要先賣關子，問到男友如何支持？雲浩影就指對方幫她練歌。

陳柏宇今日到馬鞍山出席慈善活動。

雲浩影等今日到馬鞍山出席慈善活動。

雲浩影下月頭將會在麥花臣場館開處女騷。

雲浩影指現在綵排如火如荼。

陳柏宇下星期將和馮允謙、肥仔及阿Dee一起開騷。

陳柏宇說其中也會跟肥仔及阿Dee唱ERROR的歌。

被網民指跟韓星張元英撞樣，雲浩影表示好愕然。

網民封雲浩影做「港版張元英」惹罵戰？她說：「應該要罵啦都唔似！」

陳柏宇透露稍後將有更多演出。

Cloud多謝大家抬舉封她為「港版張元英」。

多謝網民抬舉封為「港版張元英」

雲浩影先後被網民指跟林峯老婆張馨月及韓星張元英撞樣，她聽後即感到非常愕然：「吓！哦～ 我覺得兩個都唔似，大家有唔同風格，（網民封你做「港版張元英」惹罵戰？）應該要罵啦都唔似，張元英靚咁多，佢九頭身，1米8咁高又瘦，（講樣喎?）多謝大家抬舉啦。」

暑假不會出埠

此外，下星期將和馮允謙、肥仔（梁業）及阿Dee（何啟華）一起開騷的陳柏宇指，到時將會唱很多別人的歌，其中也會跟肥仔及阿Dee唱ERROR的歌，問到時是否需跳舞？他就笑言會有少少「郁吓」的舞蹈，又指演唱會後大家也給予他很多跳舞的機會，問是否打算轉做唱跳歌手？他指自己是「跳吓」歌手。陳柏宇透露稍後將有更多演出，至於暑假是否會抽多點時間陪女兒，他指平日有時間就會陪，但暑假太多人去旅行又很貴，所以不會出埠：「以前都係同老婆、家姐（Abigail）去都唔怕，而家多埋阿妹（Audrey），帶阿妹我就會想帶埋婆婆，無謂同人迫。（對住五個女人好辛苦？）咁又還好，長期都係咁，對住一屋女人。」他更笑指今日家中連舅母加另外兩個小朋友，更達八個女人，自言睇戲已學識「「唔好講咁多，應講則講」這求生技能，以免影響家庭和諧氣氛。