James Ting開心《心急人上》展跨世代魅力 電音祭有廣東話經典歌加電音配搭 籲歌迷唔好坐住睇騷 丨獨家

被譽為《Y2K廣東歌電音先驅》的James Ting（丁偉斌），曾跟鄭秀文、郭富城、容祖兒、Twins、薛凱琪及組合Cookies等合作，創作過不少膾炙人口的經典作品，並將於7月12日在麥花臣場館舉行《心急人電音祭》。文：鄺芷瑩 圖：譚志光

《心急人上》屬於每位香港人

鄧麗欣（Stephy）早前在紅館開騷尾場，驚喜集合了「7餅碎」大唱《心急人上》，勾起不少香港人回憶。身為《心急人上》作曲人的James Ting，坦言此曲是23年的事，除了有原唱者Cookies會唱之外，還有不同世代的人不停演繹這首歌，每次見到不同人唱及演繹方式也不同，覺得好睇又開心。他說：「畢竟呢首歌係我第一個聽呢首歌的人，因為自己作曲，之後將首歌旋律交畀黃偉文填詞，經過唔同人唱又二次翻唱。我覺得好得意、好過癮，今次希望以全新演繹方式，再加埋演唱會唔同嘅人、歌手，甚至唔同舞台效果去呈現呢首歌。雖然呢首歌我係創作人，但覺得首歌屬於香港每一個人，每個人在他心目中有好深刻回憶，希望透過重新演繹同配搭可以將呢首歌精神繼續流傳落去。」

James Ting（丁偉斌）創作過不少膾炙人口的經典作品，當中有《心急人上》。

他亦曾跟鄭秀文、郭富城、容祖兒、組合Twins、Cookies等合作。

James指見到不同世代的人不停演繹《心急人上》，感到好睇又開心。

他坦言《心急人上》是屬於每個香港人！

James望透過重新演繹同配搭將《心急人上》精神流傳落去。

Stephy早前在紅館開騷尾場，驚喜集合了「7餅碎」大唱《心急人上》。

James Ting將於7月12日在麥花臣場館舉行《心急人電音祭》。

電音祭有一系列鄭秀文快歌

談到為《心急人電音祭》挑選歌曲，James Ting透露會有一系列鄭秀文快歌，例如：《星秀傳說》、《信者得愛》、《一夜成名》、《表演時間》，並會重新配搭呈現出來，表演陣容包括有林德信、女團VIVA、鄭嘉嘉、日本女聲組成女團《三日月節拍》及《偶像女生》等，更大賣關子屆時有神密嘉賓。一向很想在香港推動電音文化的James Ting，坦言曾被人問過他經常推出快歌會否很有難度，因為大部分人聽情歌，但事實證明好多香港人也喜歡聽快歌。他說：「依家廣東話Disco歌好流行，香港人會唔會聽電音？但電音響全世界係好主流嘅嘢，香港咁國際化城市，點可以無電音呢！我相信用一個廣東話經典歌，加埋電音新配搭，同埋我哋個騷大部分係企位，所以唔好諗住坐喺度睇個騷，主要希望觀眾嚟到開心跳住舞、郁住唱歌，絕對係一個party。」