Anson Lo與5千神徒共聚亞博慶生 視30歲為轉捩點：要勇往直前！罕有提及手術後留醫感激家人照顧
盧瀚霆國際後援會為慶祝Anson Lo生日，精彩活動一浪接一浪，除早前舉行的《Anson Lo & Sontos - Together We Glow Popup Store》、《Anson Lo Charity Pet Walk》外，7月6日晚上於亞洲國際博覽館舉行《Together We Celebrate》生日會，吸引5千神徒到場參與！
AL向每個角落的神徒打招呼
活動定於晚上7時開始，但早於下午時份神徒已經排隊等候入場，粉紅人海非常震撼，令生日會變身Anson Lo嘉年華！呢次生日會繼續由Anson Lo好友娟姐（練美娟）擔任主持，當盧瀚霆現身時全場尖叫，他亦非常「寵粉」向每個角落的神徒打招呼，感謝大家的生日祝福。
粉紅色花車繞場答謝觀眾
Anson Lo與神徒先玩兩個小遊戲熱身，然後在場內坐粉紅色花車繞場獻唱歌曲，近距離親近神徒表達謝意！其後大會推出生日蛋糕，全場5千位神徒一同合唱生日歌，令到Anson Lo非常感動：「我估唔到今年可以咁大規模，一次過過咁多人，你成日聽人講29+1，其實可以直接講30，我係唔介意嘅！係呀，我今年30歲啦，除咗越嚟越Man啦，我覺得都係一個轉捩點，一啲以往嘅遺憾、挫敗都擺埋一邊，要勇往直前先！除咗事業之外，我覺得承擔感都重咗好多，除咗照顧屋企人嘅責任，仲有照顧每一位神徒，想每一日大家都開心，你哋靠住我嘅時候都有被保護嘅感覺。」
與Eason 同台似完成願望
生日會後，Anson Lo接受訪問，他坦言神徒給予他好多力量：「見到好多神徒真係好開心，佢哋俾咗好多力量我！正日生日我要去做School tour，要工作其實都好開心，公司幫我留起夜晚時間同屋企人一齊慶祝。」早前要做手術的Anson Lo亦透露手術後要留醫數天，幸得家人照顧：「今次手術要好多謝屋企人全家一齊照顧，我要留醫幾日，屋企人每日都會嚟探我，除咗煮嘢俾我食之外，仲會陪我好長時間，助手仲留低陪足我幾日添！」提到《Anson Lo Charity Pet Walk》，他說：「我好了解Amber嘅脾氣，我知道佢大部分時間都好興奮，加上佢好鍾意親近人，呢個慈善活動佢會好開心！辛苦神徒大熱天時參加，有意義之餘又好有Powerful！」而昨日MIRROR為音樂會演出，更與陳奕迅（Eason）一同合唱，Anson Lo表示Eason跟隊友們逐個擊掌非常熱情：「好開心可以同Eason同台演出，仲可以企佢隔籬唱歌跳舞，好似完成咗一個願望咁！Eason前輩佢係超級熱情，即使一日之內見足我哋幾次，但每次佢都會同我哋全隊逐個人擊掌。喺綵排時，我已經感受到前輩對音樂嘅熱誠，不停俾意見精益求精！」佢仲自爆全隊MIRROR都非常興奮，在後台時可以逐一影相，更表示Jer是最興奮，回到後台都未能冷靜。
>>>星島網WhatsApp爆料熱線(416)6775679，爆料一經錄用，薄酬致意。
>>>立即瀏覽【生活百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。
