小儀撐盧覓雪是姜糖︰MIRROR每位鏡仔佢都錫 唔覺商台出現裁員潮

小儀今日（4日）主持開幕禮活動，對於姜濤發生墮海事件後，商台主持人盧覓雪於節目《在晴朗的一天出發》中，批評姜濤的言論，質疑睇日落說法。小儀說：「我覺得盧覓雪純粹係嗰吓無端端咁講，但其實無乜意思，係無心嘅！以我所知、眼見，佢好錫MIRROR，每位鏡仔都錫，所以佢無必要用咁說話去講。佢平時可能講嘢都咁樣，將平時講嘅嘢擺咗落去。」

小儀話外界敏感咗

提到森美指盧覓雪是「姜糖（粉絲稱呼）」，小儀指盧覓雪是姜糖，她每位MIRROR成員都喜歡，每逢開騷都會入場睇，沒有特別針對任何一位。談到商台《在晴朗的一天出發》PA蔓兒被炒一事，令人聯想跟盧覓雪出位言論有關。小儀說：「我覺得一定唔係！我喺呢間公司咁多年，一定一單還一單，唔會咁樣！若然關盧覓雪嘅事，點解要蔓兒去『食』呢件事？係唔會㗎！所以大家敏感咗，但公司有咁嘅決定，點解要蔓兒離職呢？真係唔知！嗰日佢喺903群組話畀大家知：『蔓兒要離職啦』！」我哋都係嗰時先知。」談到商台是否出現「裁員潮」，小儀說：「我又唔覺有個潮喎！暫時見佢一位，可能重組架構上變化，我哋都係small potato開咪啫！寫字樓或高層決定，真係唔知道！現階段睇唔到有咩動搖，繼續做好節目。其實環境係每一行，都見到結業，好似大酒樓，所以每一個工作都驚，我哋崗位做好節目同自己本份，希望多啲客戶同聽眾，若然留到同事喺度，希望大家努力。」

小儀今日（4日）主持開幕禮活動。

小儀主持開幕禮，呂爵安（Edan）與花劍運動員蔡俊彥出席活動。

小儀撐盧覓雪是姜糖。

《在晴朗的一天出發》盧覓雪的言論再起風波。

小儀撐盧覓雪是姜糖，「嚴格嚟講，佢MIRROR每位鏡仔都錫 ！」

商台解雇蔓兒。

小儀唔覺商台出現裁員潮。

小儀事前唔知蔓兒離職。