工程人員貪方便企馬路中心「攔車」 田北辰：出事邊個孭飛？︱Kelly Online

實政圓桌立法會議員田北辰今早駕車前往立法會途中，突然發現一名未穿上反光衣的工程人員站在路中心，被嚇一跳的田北辰馬上「收油」，才發覺原來工程人員為貪方便「封咗一條線做吊運工程」。田北辰指，現場未見任何交通燈和指示牌，而所謂指揮交通的工程人員亦無手持指示牌，直言「淨係揸住個對講機，整個如來神掌叫駕駛者停車」，認為完全漠視安全。

田北辰斥主管漠視下屬安全

田北辰兩小時後重返現場跟進，發現無改善之餘，所謂指揮交通的竟是吊機工作人員，當田欲尋求負責人詢問時，在場工友向他表示「主管喺上邊開緊會」。田北辰質疑「工程負責人唔知去咗邊，就叫下邊呢班工作人員硬食」，反問「如果大吉利是出咗車禍，咁邊個孭飛？」

他坦言「工人都只係收order做嘢，佢唔做可能連份工都無埋！唔好彩出事又係搵佢哋，有咩理由？」在田北辰與工程方交涉期間，原來警察亦接投訴並要求他們立即清場。

認為非單一事件

田北辰認為絕非單一事件，相信每日都可能發生幾百宗「類似呢啲建築地盤草菅人命嘅無良做法」，直指完全漠視工人和駕駛者安全。他又促政府正視事件，嘆稱「真係唔想再見到令人心痛嘅慘劇發生！」

田北辰FB圖片

田北辰FB圖片

田北辰FB圖片

田北辰FB圖片

田北辰FB圖片